1 Petrus 2:15 - En Taar Weru a nunuwu' é Tontemboan

¹⁵ Ampa'paan icasalé' i Amang Kasuruan kamu méma' sé loor, wosama' si tou ra'ica wana eng kailekan andumoro' ing kasalé'an-Na, sia ra'io ka'i memaa-maar sé ra'ica wutul andumoro' icamu.

1 Petrus 2:15 ပူးပေါင်းရင်းမြစ်များ

Matius 25:2

Sé mangala'un itu, lima sé bodok wo lima sé pandéi.

Matius 7:26

Taan si esa wo si esa tou sé iluminga in aicua-Ku anio' wo ra'ica pengaémaanna, sia meputé wo si tou bodok, si mangun im baléna am bawo in dangi'ngis.

Roma 1:21

Kailekan é tou sapaoka si Amang Kasuruan itu awéan, taan séra ra'ica marayo wo masiri' Sia tanu Amang Kasuruan wo ka'i ra'ica mengawéé i makapulu'sama' ai Sia. Taan taré séra asalo imemero-merot sé ra'ica wana en torona wo en até éra em bodok imariréimbengo.

Galatia 3:1

Éi tou Galatia sé bodok! Si séi réén e muwak icamu? Ra'ica réén aisisilkuo ai camu indior ang karapi i makakii-kiit andumoro' i Yesus Kristus si aisalipo?

1 Tesalonika 4:3

Si anioo waya eng kasalé'an i Amang Kasuruan: menonouo mangé toronake' Sia, menonou le'nas wo ra'ica mengabersina.

1 Tesalonika 5:18

Sa kamu meta'up ing kawenduan kuma'pa ing kaaruian, musti meméé-méé mangé i makapulu'sama' a si Amang Kasuruan, ampa'paan siitu en casalé'-Na si musti émaan iow sé maémano a si Kristus Yesus.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

Titus 2:8

An tutuw ko masusui, musti pakénmu sé nunuwu' wutul wo sumoma wosama' ko ra'ica iséro' é tou. Wo in taniitu sé kaséké'mu malawi', ampa'paan ra'ica wana en andumoro' sé ra'ica loor ai cita sé ro'na ipemaa-maar oka éra.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.

1 Petrus 3:17

Aweso taré kamu mawendu ampa'paan mengaéma' sé loor, sa en itu kasalé'an i Amang Kasuruan, wo taré kamu mawendu ampa'paan mengaéma' sé léwo'.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.

2 Petrus 2:12

Taan sé guru ra'ica wutul itu tanuoka sé binatang ra'ica ningaasan, meputé wo sé binatang asalo ayanak en tangkaan wo patén. Séra maroros sapa sé ra'ica kailekan éra, wo ampa'paano ing kaléwo-léwo'an sé niéma' éra ituo, séra in esa ka'i patén oka kaputé é binatang ra'ica papiaran.

Yudas 1:10

Taan sé guru ra'ica wutul mengaojat waya sé ra'ica kailekan éra. Séra mengaéma' andumoro' sé asalo kumiit ing kasalé'an éra in esa, en itu meputé wo sé binatang ra'ica ningaasan. Sé pinengaéma' éra ituo e makawali iséra am papaté.