1 Petrus 2:1 - En Taar Weru a nunuwu' é Tontemboan

¹ Ampa'paan in ituo kamu ra'io toro mengéma-ngéma' pakasa ing kaléwo'an, pakasa sé mengauwak, pakasa sé punek, menii-niim ing kasuutan wo mengaléwo' i ngaran é tou walina.

1 Petrus 2:1 ပူးပေါင်းရင်းမြစ်များ

Matius 15:7

Éi camu tou punek! Wutulo sapa en aicua i Yesaya andumoro' icamu,

Matius 23:28

Tanu siituo ka'i em peri miow, pakasérén kéndo' tanuoka sé tou maéma' im butul, taan en até miow mawuta-wuta ing kapunekan wo ing kaléwo'an.

Matius 24:51

wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”

Matius 7:5

Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu itu.

Markus 12:15

Taan kailekan i Yesus eng kapunekan éra wo icua-Na ai séra, “Kéitu réén kamu mangepé' a Yaku? Iwéé mai esa dinar wo sérén-Ku!”

Lukas 11:44

Icawangkuro mio' kamu! Ampa'paan kamu tanuoka ing kubur ra'ica wana watu ipatuus. Anaé, am bawo ing kubur itu pemaya-mayaan é tou ampa'paan ra'ica kailekan éra sapaoka awéan tou en aicubur am bitu.”

Lukas 12:1

Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis.

Lukas 6:42

Tambisa réén kamu ro'na kumua a si poowmu, ‘Éi poow, mayoo icesotku en awu ing kayu am berenmu!’ Taan em balak am beren iow ra'ica kaséréan iow. Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu.”

Yohanes 1:47

An tutuw i Yesus suméré si Natanael maai ai Sia, icua i Yesus, “Sérén, siao si wutu-wutul tou Israel. Si tou anio' ra'ica mengauwak sé tou walina.”

Roma 1:29

En até éra wuta ing kabengisan wo wuta ing kaléwo'an. Séra wuta ing kalongi'an wo ing kawurukan, wuta im panganaten, masalé' mengapaté tou, masalé' meindo-indoan roma', tampenguwak wo ra'ica makiit ing kasalé'an i Amang Kasuruan.

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Korintus 5:8

Anaé, itiya'o mio' si ragi uré. Si ragi ituo eng kamesé-meséaan wo eng kaléwo'an iow. Wo mayoo kita méma' ing kasalé-salé'an im Paska ang karapi i roti si ra'ica rinagian en tumuru' cita lekep en até wo menonou wutul an dior i Casuruan.

2 Korintus 12:20

Em ipaindé-indé'ku sapaoka an tutuw aku maai ai camu kéréanku kamu ra'ica tanu im pinaarapku, wo kaséréan iow ka'i aku ra'ica tanu si paarapen iow. Ipaindé-indé'ku oréoka awéan sé mengindo-indoan roma', mengkanatan, mengkae'bowan, mengawerotke' in owakna in esa, mengaroros, memaa-maar a sé tou andumoro' sé raica wutul, mengatirayo wo mengalicoko.

Efesus 4:31

Itela'uo mio' eng kasuutan, kae'bowan akar ing karangoan, kae'bowan, meindo-indoan roma', mengawuruk i ngaran é tou, taniitu ka'i mai pakasa sé léwo'.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Timotius 3:11

Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.

Titus 2:3

Taniitu ka'i sé wéwéné matu'ao, sina'uenmu mangé séra wosama' musti mengaapo' kumiit ing kasalé'an i Casuruan. Séra ka'i ra'ica toro mengawuruk i ngaran é tou wo ra'ica tansaléén in elepen mengalangu. Aweso taré séra itu mengasusui angé sé loor a sé tou.

Ibrani 12:1

Tumo'tolke' mai indior, keli en tou sé imamuali sairi im paémanen éra torona icita. Kita pakali'ciren é tou keli itu tanuoka ing kambung makali'cir icita. Ampa'paan in ituo mayoo tiya'ta waya em pamuléngen wo ing kamesé-meséaan si makaléngkété' ai cita, wo kasake' talesen am pekowaan si pakasarunta.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.

Yakobus 3:14

Taan sa en até miow awéan em panganaten wo menonou ang katoronaanke' in owakna in esa, tioo kamu tirayo wo tioo matowo eng kumua sa kamu itu awéan kapinteran asi Casuruan owo, wo in taniitu ra'ica toro sélé'kow iow en sususuien wutul.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

Yakobus 4:5

Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”

Yakobus 5:9

Poo-poow, tioo kamu mengimbu-ngimbulu wo membém-béan séa' wosama' kamu ra'ica ukumen i Casuruan. En ulitna, si Akim maayo, Sia an dioro im papalen.

1 Petrus 2:16

Kamu anio' tou sé ra'io pakakawasan ing kamesé-meséaan ampa'paan kamu aiwekaro i Amang Kasuruan ang kakawasaan ing kamesé-meséaan, taan tioo pepaké-pakén eng kaloasan itu en tumutuw ing kaléwo-léwo'an iow. Taan menonouo mio' kamu tanuoka ata-Na.

1 Petrus 2:22

Sia ra'ica mengaéma' ing kamesé-meséaan wo ra'ica tampenguwaken.

1 Petrus 3:10

Ang Kitap Le'nas aipatic in tana'i, “Si séi si masalé' menonou ang kaaru-aruian wo masalé' sumangkum in endo-endo loor, sia musti tuméir in lila'na wosama' ra'ica manuwu' andumoro' in léwo', wo tuméir im biwina wosama' ra'ica mengauwak.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.

1 Petrus 4:4

Taan intarépé' kamu ra'io ka'i mengaéma' sé ra'ica loor tanu indior, akar sé tou ra'ica makatuus si Amang Kasuruan itu mangaya-ngaya'ka'. Ampa'paano in itu, kamu paroros éra.

Wahyu 14:5

Wo séra ra'ica kawisa tumowo, wo ra'ica wana e ro'na méé kaséaan.