1 Petrus 1:6 - En Taar Weru a nunuwu' é Tontemboan

⁶ Ampa'paan in ituo maaru-aruio mangé, mandé ka'i intarépé' awéan en témpona kamu musti mawendu ampa'paan sumangkum ing kumeli-keli pangepé'an.

1 Petrus 1:6 ပူးပေါင်းရင်းမြစ်များ

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Matius 26:37

Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Matius 5:12

Maaru-aruio wo masalé-salé'o, ampa'paan en laasamu wangko' an sorga. Sé nabi menonou indior ka'i niokoio tanu siitu.”

Lukas 1:47

Wo en atéku masalé-salé' ampa'paan si Amang Kasuruanku si Lumolowirku.

Lukas 10:20

Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”

Lukas 2:10

Taan icua i malaékat itu ai séra, “Tioo maindé'! Ampa'paan aku mai kumua in abar kaaruien wangko' ai camu. En abar anio' méma' oka pakasa in tou masalé-salé'.

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Roma 12:12

Maaru-aruio mangé kamu ang karoro'an i maarap a si Amang Kasuruan. Wo malese-leseno mangé mengasangkum ing kawenduan, wo ka'i le'tek mengasombayang.

Roma 5:11

Wo ra'ica siituke'! Kita ka'i maaru-arui ampa'paan ing kasamaan i Amang Kasuruan si aituru' i Apo'ta Yesus Kristus, akar kita intarépé' menonou meelurano sumawel wo Sia.

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

Roma 9:2

sapaoka en atéku susa keli wo tatap mawendu ampa'paan sé tou Israel tou ra'ica maéman a si Yesus.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Filipi 2:26

Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Filipi 4:4

Maaru-aruio mangé ampa'paan kamu meesao wo si Apo' Yesus! Makasapé' icuaku, maaru-aruio mangé!

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

Yakobus 1:2

Poo-poowku! Sa kamu meta'up i membam-balinaan pangepé'- an, terimano mangé waya en itu ang karapi in arui en até.

Yakobus 1:9

Si poow lengéi esa paémanen a si Yesus, sia itu musti tumirayo sa sia irangka' i Casuruan.

Yakobus 4:9

Yentoo mio' eng ké'ké' wo en arui miow ampa'paan ing kamesé-meséaan iow. Aweso taré sawelen iow en itu i manesel wo maamé' ampa'paan kamu wendu keli iméma'o ing kamesé-meséaan.

1 Petrus 3:17

Aweso taré kamu mawendu ampa'paan mengaéma' sé loor, sa en itu kasalé'an i Amang Kasuruan, wo taré kamu mawendu ampa'paan mengaéma' sé léwo'.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.