1 Petrus 1:3 - En Taar Weru a nunuwu' é Tontemboan

³ Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Petrus 1:3 ပူးပေါင်းရင်းမြစ်များ

Yohanes 1:13

Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.

Roma 12:12

Maaru-aruio mangé kamu ang karoro'an i maarap a si Amang Kasuruan. Wo malese-leseno mangé mengasangkum ing kawenduan, wo ka'i le'tek mengasombayang.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 4:25

Sia itu aisarakano a sé tou wo pinaté éra en tumu'bus ing kamesé-meséaanta. Taan Sia tinou sumawel i Amang Kasuruan wosama' kita ro'na makéré ing kaampungan wo kita nianggap wutul i Amang Kasuruan.

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:24

Kita awéan paarapen tanu siitu tumo'tolai kita maéman a si Yesus. Taan sa em paarapen itu imamualio, en itu ra'io paarapen. Si séipé' e maarap sa em paarapen itu imamualio?

1 Korintus 13:13

Anaé, intarépé' awéan telu hal si kasake' émaanta: maéman, mengaarap wo meupu-upusan. Taan si penting keli asé telu itu meupu-upusan.

1 Korintus 15:20

Taan en ulitna sapaoka si Kristus tinouo sumawel an uner é tou imatéo. Siao eng kumataré-taré tinou sumawel, taniitu ka'i sé tou maéman sé imatéo, touen oka ka'i sumawel.

2 Korintus 1:3

Mayoo kita rumayo si Amang Kasuruan, Amang i Apo'ta Yesus Kristus. Sia itu Amang si wuta ing kaupusan wo Siao si Amang Kasuruan si mengibo-ibor icita.

Galatia 6:16

Wo si séike' sé menonou mengakiit sapa sé ipakuaku itu, isombayangku sa woo ro'na si Amang Kasuruan méé mai ing kaeluran wo tumuru' ing kaupusan-Na ai séra. Sé tou menonou tanu siitu sérao sé wutu-wutul tou i Amang Kasuruan mandé ka'i séra tou Yahudi kuma'pa tou ra'ica Yahudi.

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 2:4

Taan taloso wangko' eng kaupusan i Amang Kasuruan! Kita icaupus-Na keli,

Efesus 3:20

Si Amang Kasuruan makawoo iméma' lébé kelimai asé sapa sé ipasombayangta kuma'pa sapa sé pawerotenta, kumiit ing kawasa-Na si matawoi ai cita.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:27

Wo Sia masalé' kumua a sé tou-Na sapaoka sé icaenepé' itu uli-ulit loor wo wangko' asé pakasa in tou sé ra'ica Yahudi. Sé ipakaenep itu tana'i, si Kristus an atéo miow, eng kaangéanna kamu awéan paarapen makéré im bagéan asi rarayo wo in sisiri' asi Amang Kasuruan owo.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

1 Tesalonika 4:13

Poo-poow, sa awéan tou maté, ra'ica kiim ami kamu mawendu keli kaputé sé tou ra'io wana em paarapen. Ampa'paan in itu, icasale' ami kumua ai camu sapa si mamuali oka a sé tou matéo.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

1 Timotius 1:14

Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Yakobus 1:18

Kita niéma'-Na mamuali toya-toyaang-Na ang karapi in Taar wutul kumiit ing kasalé'an-Na. En itu icasalé'-Na wosama' kita mamuali wuéna kataré-taré asé im pakasa sé niéma'-Na.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 1:21

Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

1 Petrus 3:5

Taniituo em pakapasung in owak é wéwéné sé maéman indior. Séra asalo mamangén a si Amang Kasuruan: séra mengapasung in owak ang karapi ing kale'tekkan a sé penanaan éra.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 3:3

Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.

1 Yohanes 3:9

En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.

1 Yohanes 4:7

Poo-poow sé icaupusku, mayo kita meupu-upusan, ampa'paan en upus itu asi Amang Kasuruan owo. Wo si séike' e meupu-upusan, sia itu asi Amang Kasuruan owo wo katuusan-Na.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.

1 Yohanes 5:4

Kita anio' mamualio toya-toyaang i Amang Kasuruan, ampa'paan in itu kawooanta kumala si léwo' asi cayo'baan anio'. Wo kita muntung ampa'paan kita maéman a si Casuruan.