1 Petrus 1:23 - En Taar Weru a nunuwu' é Tontemboan

²³ Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.

1 Petrus 1:23 ပူးပေါင်းရင်းမြစ်များ

Matius 24:35

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

Lukas 8:11

Tana'i eng kaangéan in andéan itu: En lulumbo itu, siituo en Taar i Amang Kasuruan.

Yohanes 1:13

Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.

Yohanes 1:3

Ang karapi in Taar itu émaan i Amang Kasuruan em baya-wayana awéan. Ra'ica wana mandé esake' sé niéma' i Amang Kasuruan sa ra'ica ampa'paan in Taar itu.

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Roma 1:23

Séra ra'ica maapo' a si Amang Kasuruan si parayo-rayo wo pasiri-siriin si menonou akar ing kauré-uré, taan séra maapo'ke' a sé patong kaputé é mahluk sé ro'na maté, tanumai; sé tou, sé binatang matéléw, binatang makakécéi epat wo sé binatang maloyon.

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.

Yakobus 1:18

Kita niéma'-Na mamuali toya-toyaang-Na ang karapi in Taar wutul kumiit ing kasalé'an-Na. En itu icasalé'-Na wosama' kita mamuali wuéna kataré-taré asé im pakasa sé niéma'-Na.

1 Petrus 1:25

Taan en Taar i Amang Kasuruan awéan melala'us akar ing kauré-uré.” Si Taar ituo, en Abar Kaaruien andumoro' i Yesus Kristus si aicuao ai camu im baya.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Yohanes 3:9

En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.