1 Petrus 1:21 - En Taar Weru a nunuwu' é Tontemboan

²¹ Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.

1 Petrus 1:21 ပူးပေါင်းရင်းမြစ်များ

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Yohanes 12:44

Wo si Yesus kumua in taangko', “Si séike' e maéman a Yaku, sia ra'ica asalo mercaya a Yaku taan maéman ka'i a si Amang Kasuruan si mutusai Yaku mai ang kayo'baan anio'.

Yohanes 14:1

Icua i Yesus a sé murit-Na, “Tioo kamu masusa en até, percayano mangé si Amang Kasuruan wo percayano mai Aku.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 17:1

Kekawusai i Yesus kumua im pakasa in itu, Sia kumanat angé an langit wo sumombayang, “O Amang, an témponao! Irayoo wo siriino mai si Toyaang-Mu, wo in taniitu si Toyaang-Mu ka'i ro'na rumayo wo sumiri' Si Amang.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Yohanes 17:5

Wo intarépé', o Amang, émaano mai Aku iparayo-rayo wo pasiri-siriin an dior-Mu, ang karapi i rarayo wo en sisiri' si a Yakuo mewali-wali wo si Amang an tutuw eng kayo'baan anio' ra'ipé' niéma'.

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Kisah Para Rasul 2:24

Taan Sia tinou sumawel i Amang Kasuruan wo iwekar-Na asi kawenduan im papaté ampa'paan em papaté ra'ica makawoo kumawasa Sia.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Kisah Para Rasul 3:15

Sia si Le'nas itu palemboian ing katouanta pinatéo miow taan Sia tinou sumawel i Amang Kasuruan an uner é tou imaté. Kamio e mamuali sairi sapaoka Sia tumou sumawel.

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Roma 10:9

Tana'i: sa kamu mangaku ang karapi im ba'ba' miow sapaoka si Yesus itu Kasuruan, wo maéman an untep in até miow sapaoka si Yesus tinou sumawel i Amang Kasuruan an uner é tou imatéo, kamu lowiren oka.

Roma 4:24

taan aipatic ka'i torona icita im baya. Kita nianggap wutul i Amang Kasuruan, ampa'paan kita maéman ai Sia si tumou sumawel si Yesus Apo'ta an uner é tou imaté.

2 Korintus 6:15

Si Kristus ra'ica kawisa meesa wo si kikiiten é sétang. Awéan réén em puténa sé tou maéman a si Kristus wo sé tou ra'ica maéman a si Kristus?

Efesus 1:15

Ampa'paano pakasa sé niéma'o i Amang Kasuruan ai camu, an tutuwku luminga in andumoro' im paémanen iow a si Apo' Yesus wo andumoro' in upus iow a sé im pakasa é tou le'nas,

Kolose 1:27

Wo Sia masalé' kumua a sé tou-Na sapaoka sé icaenepé' itu uli-ulit loor wo wangko' asé pakasa in tou sé ra'ica Yahudi. Sé ipakaenep itu tana'i, si Kristus an atéo miow, eng kaangéanna kamu awéan paarapen makéré im bagéan asi rarayo wo in sisiri' asi Amang Kasuruan owo.

1 Timotius 1:1

En surat anio' a yaku owo Paulus, si mamualio ruru'du'an i Kristus Yesus kumiit im perénta i Amang Kasuruan Si Lumolowirta wo si Kristus Yesus si paarapenta.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 2:9

Taan kailekanta sapaoka en itu linekepo i Yesus. Ampa'paan Sia niéma'o wawa' toyo' asé malaékat asi témpo ra'ica talos uré, tutuw Sia imamuali tou. Ampa'paan in upus aitambér i Amang Kasuruan, si Yesus mamuali taniitu torona pakasa in tou. Taan intarépé' niéma'o i Amang Kasuruan Sia Kolano iparayo-rayo wo pasiri-siriin an dangka' im baya-waya ampa'paan Sia isumangkumo mai ing kawenduan akar imaté.

Ibrani 6:1

Ampa'paan in ituo, mayoo tela'uta em patuuran in sususuien en andumoro' i Kristus wo melala'uso in sususuien si rumangka'mai wosama' em paémanenta makaketer. Tioo penguri-ngurin em patuuran in sususuien itu, tanumai sususuien in andumoro' i mape'dis mengéma-ngéma' in léwo', wo sususuien in andumoro' tumambisa maéman a si Amang Kasuruan,

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.