1 Petrus 1:17 - En Taar Weru a nunuwu' é Tontemboan

¹⁷ An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

1 Petrus 1:17 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 22:16

Iru'du' éra sé murit éra wo piraan tou sé makiit si colano Herodes mangé a si Yesus e mamuéi ai Sia, “Guru, kailekan ami si Guru ra'ica matowo, wo masusui sé tou ang karapi i makakii-kiit andumoro' ing kasalé'an i Amang Kasuruan. Wo si Guru ra'ica maindé' a si séike' mangé ampa'paan si Guru ra'- ica masisir in tou.

Matius 6:9

Ampa'paan in itu, sumombayango in tana'i, ‘Amang ami an sorga, e ngaran-Mu le'nas wo iparangka-rangka',

Roma 11:20

En itu wutul. Séra aitiya' ampa'paan séra ra'ica maéman, wo kamu tinerima ampa'paan kamu maémano. Anaé, kamu tioo matirayo, aweso taré kamu maindé'o mangé a si Amang Kasuruan.

2 Korintus 1:2

Pekiupusen ami a si Amang Kasuruan Amangta wo a si Apo' Yesus Kristus en tumambérai in upus wo ing kaeluran ang katouan iow.

2 Korintus 5:6

Ampa'paano in itu en até ami kasake' talesen. Kailekan ami eng kauré ami imaento'pé' asi owak anio', em balé ento'an ami mewali-wali wo si Amang Kasuruan tayang wo icami.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

Galatia 2:6

Wo sé tou sé nianggap pasiri-siriin itu ra'ica mawes sapa-sapa an Abar Kaaruien si aicuakuo. (Em butulna sa aku, séra tou sé pasiriin kuma'pa ra'ica pasiriin ra'ica pandungenku. Wo si Amang Kasuruan wutu-wutul ra'ica masisir in tou.)

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Efesus 3:14

Ampa'paan in ituo, an tutuwku tuma'néi waya in itu, yaku kumundu wo sumombayang a si Amang Kasuruan Amangta,

Efesus 6:9

Éi tuang-tuang, kamu musti ka'i sama' a sé ata miow. Tioo pengaetengan iow séra akar séra maindé' ai camu. Ta'néieno mangé sapaoka kamu wo sé ata miow puté-puté makaanu esa tuang, Siao si Casuruan si an sorga, Sia ra'ica mengasisir in tou.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Kolose 3:25

Si séike' e méma' ing kameséaan, pamuléngenna oka eng kameséaanna itu. Ampa'paan si Casuruan ra'ica masisir in tou.

Ibrani 12:28

Anaé, kita mamualio tou ang kakolanoan si ra'ica toro yéro', ampa'paano in itu mayoo kita kumua makapulu'sama' a si Amang Kasuruan, wo maapo' mangé ai Sia ang karapi in siri' wo wuta ing kaindé'an iciit en casalé'-Na.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.