1 Petrus 1:13 - En Taar Weru a nunuwu' é Tontemboan

¹³ Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 1:13 ပူးပေါင်းရင်းမြစ်များ

Matius 20:4

Icuana ai séra, ‘Mangéo taré tumawoi kamu an uma in anggorku, wo wéranku oka kamu si patus pawér ai camu.’ Kelinga in itu, séra makala'us mangé tumawoi.

Lukas 12:35

“Matéi-téiro en sumaru im baya-waya. Kamu musti tatap mekarai ing karai patawoi wo en sosoloan iow musti mengembu-ngembung,

Lukas 17:30

Taniituo ka'i eng katouan é tou sa, asi endo si Toyaang i Tou maai sumawel.

Lukas 17:8

Tantu ra'- ica! Taan taré cua miow a si ata itu, ‘Tu'tuleno mai eng kakanenku. Sumawelo mio' karai ko wo selewiranmu mai aku akar aku makakan. Sa aku imakakano, ro'nao ko kuman wo melep.’

Roma 13:13

Mayoo kita menonou in loor, tanu sé tou menonou ang kasendotan. Tioo mengéma-ngéma' ing kasalé-salé'an ing kuman wo mengele-ngelep sé ra'io masoma wo malangu-langu, tioo mengéma-ngéma' andumoro' in sina wo makiit ing kasalé'an sé ra'ica loor, tioo meindo-indoan roma' wo mangana-nganat.

Roma 8:19

Wo ra'ica icitake' in tou, taan pakasa sé niéma' i Amang Kasuruan ang kayo'baan anio' lumeloo keli mengento-ngento' in oras i Amang Kasuruan tumuru' mai in darayo wo in sisiri' a sé toyaang-Na.

1 Korintus 1:7

Wo in taniitu sé kamang aitambéro mai i Roh Le'nas ai camu ra'ica maina' mandé esake' ang karoro'an iow maento-ento' si Apo'ta Yesus Kristus maai sumawel.

1 Korintus 13:13

Anaé, intarépé' awéan telu hal si kasake' émaanta: maéman, mengaarap wo meupu-upusan. Taan si penting keli asé telu itu meupu-upusan.

Efesus 6:14

Anaé, kumete-ketero mangé makatulung tanu suraro sé tu'tulo i merang. Wo pakéno mangé en sususuien wutul tanu mapaké im pawe'ber am pinggangmu wo ra'ica marapit tanu mapaké ing karai bési ipari'dir in owakmu.

Kolose 3:4

Si Kristuso em palemboian ing katouan iow. Wo sa Sia maai sumawel ang kayo'baan ang karapi i rarayo wo in sisiri'-Na, kamu ka'i kaséréan oka wo pekiit irayo wo in siriin mewali-wali wo Sia.

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

2 Timotius 4:5

Taan ko é Timotius, kawasanmu mangé en owakmu mandé sapake' e mamuali. Malese-leseno mangé masaru ing kawenduan, émaano mangé melala'us en tawoien mengakua in Abar Kaaruien andumoro' i Yesus Kristus wo émaan sumama-sama' en tawoien si aiwéé i Casuruan ai co.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.

Ibrani 10:35

Ampa'paan in itu, tioo ipaweka-wekar em paémanen iow a si Kristus, ampa'paan kéréan oka miow en laasa wangko' asi Amang Kasuruan.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Ibrani 6:19

Em paarapenta itu ayandé tanu in jangkar keter wo aman torona i mu'kurta. Em paarapen itu makawali icita lumangkoi angé ing kaéng pengakawu', am pauntepan asi Kamar Lume'na-le'nas an sorga.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

1 Petrus 1:10

Eng kalowiran ituo si pati'tiren wo paéré-érén é nabi indior. Pakua éra andumoro' in upus aitambér i Amang Kasuruan ai camu.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

1 Yohanes 3:3

Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.