1 Petrus 1:12 - En Taar Weru a nunuwu' é Tontemboan

¹² Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.

1 Petrus 1:12 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 16:17

Icua i Yesus ai sia, “Pakakamangen ko é Simon toyaang i Yunus ampa'paan ra'ica sé tou en icumua in itu ai co, taan si Amang-Ku an sorga.

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 2:26

Wo aicuao i Roh Le'nas ai sia sapaoka sia ra'ipé' maté sa ra'ipé' isuméré si Kristus, si Kolano ayutus i Amang Kasuruan e mai lumowir sé tou-Na.

Lukas 9:6

Kumawus in itu sé murit i Yesus mangé an doo-roong eng kumua in Abar Kaaruien i Amang Kasuruan wo ka'i sumama' in sakit é tou am bisake' en angéan éra.

Yohanes 15:26

Taan yutus-Ku oka ai camu si Matawang asi Amang owo. Siao si Roh Le'nas si maali icamu asi sususuien wutul andumoro' i Amang Kasuruan. An tutuw-Na i maai, Sia méé oka ing kasairian andumoro' Yaku.

Kisah Para Rasul 10:44

An tutuw i Petrus maroma'pé' wo tumumpa mai e Roh Le'nas a sé pakasa in tou sé makalinga in aicua i Petrus.

Kisah Para Rasul 16:10

Kekawusai i Paulus suméré im pinapaturu'an itu, kala'usen ami i musé' wo tumu'tul e maangé a Makedonia, ampa'paan am pinapaturu'an itu kami tinowao i Amang Kasuruan eng kumua in Abar Kaaruien andumoro i Yesus Kristus a sé tou a mangé mbitu.

Kisah Para Rasul 2:33

Intarépé', si Yesus niangkaio mangé i Amang Kasuruan ang kakan-Na an tampa pasiri-siriin wo tumerimao i Roh Le'nas si aijanji-Nao indior. E Roh Le'nas itu, iwéé-Nao ka'i ai cami, si sinéré wo liningao miow am bia'i.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Kisah Para Rasul 4:8

Si Petrus si kinawasa i Roh Le'nas sumowat ai séra, “Éi, kikiiten wo matu-matu'a é tou Yahudi!

Kisah Para Rasul 8:25

Kekawus i Petrus wo si Yohanes masairi wo makua in Taar i Amang Kasuruan a sé tou, wo séra maréng sumawel an Yerusalem. Am bawayaan, séra mengua-ngua in Abar Kaaruien andumoro' i Yesus an doo-roong walina an Samaria.

Roma 1:15

Ampa'paano in itu keli eng kasalé'anku mangé kumua in Abar Kaaruien itu ai camu sé maento' a Roma.

Roma 1:17

Ampa'paan asi Abar Kaaruien itu, si Amang Kasuruan tumuru'o tumambisa sé tou nianggap-Na wutul. En lalanna musti maéman a si Kristus, ra'ica wana walina. En itu tanu in aipatic ang Kitap Le'nas in tana'i, “Si tou nianggap wutul i Amang Kasuruan ampa'paano im paémanenna, sia menonou oka!”

Roma 10:15

Wo tumambisa sé tou mangé kumua in andumoro' Sia, sa ra'ica wana en yutus? Tanu en aipatic ang Kitap Le'nas, “Arui keli sa awéan tou e maai kumua in Abar Kaaruien andumoro' i Yesus Kristus!”

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

1 Korintus 2:10

Taan intarépé' si Amang Kasuruan imaké i Roh-Na en tumi'tir waya in itu ai cita. Aicuao i Roh-Na ai cita ampa'paan e Roh-Na makailek im baya-waya, akar sé icaenep an owak i Amang Kasuruan.

2 Korintus 1:22

wo isumégél icita tanu tuus anu-Na. Wo Siao e méé mai si Roh Le'nas an atéta tanu titimboian sapaoka iwéé-Na oka pakasa sé aijanji-Na ai cita.

2 Korintus 6:6

Mandé ka'i in taniitu, kami menonou ang karapi in até weresi, makailek sé andumoro' in Taar i Amang Kasuruan, talesen, sama' en até. Em paturu' ami sapaoka kami ata i Amang Kasuruan. Wo kami ka'i mamangén a si tatawang i Roh Le'nas wo mengaupus sé tou ang karapi in lekep en até,

Galatia 1:12

Ampa'paan en Abar Kaaruien itu ra'ica tinerimaku asé tou, wo ka'i ra'ica wana tou en sumusui in Abar Kaaruien a yaku. Taan si Yesus Kristus in esa en cumua in Abar Kaaruien itu a yaku.

Galatia 1:16

Wo ituru'-Na si Toyaang-Na a yaku, wosama' ipakua-kuaku en andumoro' i Toyaang-Na an uner é tou ra'ica Yahudi. Wo aku ra'ica mangilek sina'u asi séike' mangé mandé esake' nuwu' andumoro' in taar si tinerimaku itu.

Efesus 3:10

Em basa-Na en tumuru' im pawasa-wasan ing kapinteran-Na si wangko' itu a sé malaékat sé maperénta wo sé makakawasa an sorga. Wo eng kapinteran-Na intarépé' icua oka é jamaat ai séra.

1 Tesalonika 2:9

Poo-poow, tantu kata'néiané' miow tambisa kami rumaméji menawo-nawoi endo wo em bengi en tumanggong ing kaperluan ang katouan ami in esa, wosama' kami ra'ica méé pamuléngen an esaan angé ai camu an tutuw ami makua in Abar Kaaruien i Amang Kasuruan ai camu.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 11:13

Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.

Ibrani 4:2

Ampa'paan en Abar Kaaruien itu ipakua-kuao ai cita, meputé sé aicuao a sé apo-apo'ta indior. En abar sé lininga é apo-apo'ta itu ra'ica wana torona ai séra, ampa'paan ra'ica percayan éra.

1 Petrus 1:25

Taan en Taar i Amang Kasuruan awéan melala'us akar ing kauré-uré.” Si Taar ituo, en Abar Kaaruien andumoro' i Yesus Kristus si aicuao ai camu im baya.

1 Petrus 4:6

Ampa'paano in itu en Abar Kaaruien andumoro' i Yesus Kristus aipakua-kuao a sé tou imatéo, wosama' mandé en owak éra matéo meputé wo sé imamuali a sé pakasa in tou, taan ampa'paan i roh, séra ro'na menonou kumiit ing kasalé'an i Amang Kasuruan.

Wahyu 5:11

Kekawus in itu sérénku wo linganku en suara é kelian malaékat sé lumi'cir im palukutan pasiri-siriin, sé mahluk wo sé matu'a itu, eng kakeli éra mariwu-riwu wo mayuta-yuta.