1 Korintus 9:8 - En Taar Weru a nunuwu' é Tontemboan

⁸ Sé aicuaku itu, ra'ica asalo kumiit im pakawerot é tou, taan aisusui ang Kitap Le'nas ka'i tanu siitu.

1 Korintus 9:8 ပူးပေါင်းရင်းမြစ်များ

Roma 3:31

Sa taniitu, ra'io réén wana eng katoronaan en ukum Torat itu ampa'paan kita maémano a si Yesus? Ra'ica taniitu! Taan ampa'paano taré kita maéman, en ukum Torat itu émaanta i mauli-ulit.

Roma 3:5

An tutuw kita mengaéma' sé ra'ica wutul, em peri wutul i Amang Kasuruan kaséré-séréan. Wo sapa en icuata sa kita icae'bow-Na ampa'paan kita mengaéma' sé ra'ica wutul? Icuata réén Sia marapitke'? En itu pakawerotke' é tou.

Roma 6:19

Em pakawerot iow tanu tou ra'ica rior makailek, anaé aku maké in andéan ata, wosama' kamu rior makailek sapa em peangé-angénku. Indior kamu sumarakano waya ing katouan iow mamuali ata ing kasamekan wo ing kaléwo-léwo'an akar kamu mengéma-ngéma' in léwo'. Taniituo ka'i intarépé', musti isarakan iow waya eng katouan iow mamuali ata mengaéma' im butul akar makawali icamu ang katouan le'nas.

1 Korintus 14:34

Meputé sé pengaémaan é tou le'nas am pakasa in jamaat, si wéwéné makapeneso mio' an tutuw i mali'us mewali-wali wo sé jamaat i maapo'. Séra ra'ica winéan kaloasan e rumoma'. Séra musti kumuru' in owak, tanu si aipatic an ukum Torat.

1 Korintus 7:40

Taan iciit im pakawerotku in esa, sia lébé arui sa sia ka'i ra'ica kawéngen. Wo pendamenku e Roh i Amang Kasuruan maakin yaku an tutuwku makua sé itu.

Galatia 1:11

Poo-poow, si casalé'ku kailekan iow sapaoka en Abar Kaaruien andumoro' i Yesus Kristus si ipakuaku itu ra'ica asé tou owo.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.