Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korintus 9:5 - En Taar Weru a nunuwu' é Tontemboan

5 Ra'ica réén wana hak kami e makawali si penanaan ami esa paémanen eng kumiit ang karapi ami mangé sumelewir, kaputé im pinengaéma' é tuari i Apo' Yesus, wo sé ruru'du'an walina icauntep si Petrus?

အခန်းကိုကြည့်ပါ။ ကော်ပီ




1 Korintus 9:5
25 ပူးပေါင်းရင်းမြစ်များ  

Ra'ica réén Sia itu toyaang i bas ing kayu? Ra'ica réén si inang-Na si Maria wo sé mepoow wo Sia si Yakobus, si Yusuf, si Simon wo si Yudas?


Icateka' mangé am balé i Petrus, sérén i Yesus si inang émpo i Petrus makatekel ampa'paan in sakit paso'.


Asi témpo itu, si inang émpo i Simon makatekel, ampa'paan in sakit paso'. Wo makala'us icua éra a si Yesus sapa- oka sia sumakit.


Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.


Matius, Tomas, Yakobus toyaang i Alfeus, Simon si patuulen ka'i tou Zelot,


Wo awéan esa tou mangé kumua ai Sia, “Tuang, si inang wo sé mepoow wo si Tuang ang kesot. Séra masalé' meta'up wo si Tuang.”


Kekawus in itu si Simon iwali i Andreas a si Yesus. Wo téintengen i Yesus si Simon wo icua-Na ai sia, “Ico si Simon toyaang i Yohanes. Ico ngaranan-Ku oka ‘Kefas’. (Kefas puté wo i ‘Petrus’ eng kaangéanna, watu enté').”


Kumawus in itu si Yesus mangé ang Kapernaum mewali-wali wo si inang-Na, tua-tuari-Na tuama wo sé murit-Na. Séra mento' am bitu wayake' im pira ngando.


Séra im baya le'tek mengali'us wo meesa en até mengasombayang. Séra mengasombayang mewali-wali wo sé piraan wéwéné ang karapi i Maria inang i Yesus wo sé poo-poow i Yesus.


An suratku anio' aicuaku andumoro' si poowta wéwéné an esa paémanen makangaran Febe wosama' sia katuusan iow. Sia mengaselewir sé jamaat ang Kengkrea.


Em peangé-angénku tana'i: Awéan tou an uner iow sé makua, “Yaku makiit si Paulus”, awéan ka'i sé makua, “Yaku makiit si Apolos”, sé walina ka'i makua, “Yaku anio' makiit si Petrus” wo sé walina ka'i makua, “Yaku makiit si Kristus.”


Taan sa si tuama kuma'pa wéwéné si ra'ica maéman itu masalé'o metané wo si penanaanna, iwayao mio' metané. Asi soal anio', si wéwéné kuma'pa si tuama maémano, ra'io wina'kes in janji ing kawéng esa wo sé walina. Kamu tinowa i Amang Kasuruan e menonou ang kaeluran.


Si wéwéné kinawéngo ra'ica toro kawéngen é tuama walina, ang kauré si penanaanna menonoué'. Sa si penanaanna imatéo, sia ro'nao kumawéng ang karapi i tuama si icasalé'na si esa paémanen a si Kristus.


En ulitna lébé icasalé'ku woo pakasa en tou meputé wo yaku. Taan si Amang Kasuruan itumambéro mai ing kamang a sé tou esa wo si esa ra'ica pineputé, si esa winéanai sia'i, sé walina ka'i winéanai siitu.


A sé tou sé ra'ipé' icumawéng wo a sé wéwéné sé imabaluo sina'uenku, aweso taré menonouo ra'io kumawéng, kaputéku ka'i.


Taan ra'ica ipeta'upku sé ruru'du'an walina, yaku asalo meta'up wo si Yakobus, poow i Apo' Yesus.


Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,


Pengasusui éra a sé tou ra'ica toro kumawéng, wo ra'ica toro ka'i kuman sé piraan kakanen sé ra'ica toro kanen. En ulitna pakasa eng kakanen niéma'o i Amang Kasuruan ro'na kanen. Wo sé tou maéman sé makaileko in sususuien wutul, sa séra kuman, kumua owo mangé makapulu'sama' a si Amang Kasuruan wo ro'nao kuman.


Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.


Sé tou angkaien mamuali penatua musti tanu sia'i: ra'ica wana e ro'na méé kaséaan ai sia, wayake' in esa wéwéné e mamuali penanaan, sé toyaangna maéman a si Casuruan wo in taniitu ra'ica wana tou e makua sapaoka sé toyaang itu makaperi ra'ica loor kuma'pa tansunduren.


Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ