1 Korintus 9:26 - En Taar Weru a nunuwu' é Tontemboan

²⁶ Ampa'paan in ituo aku tuméron angé a si esa angé- an si wutul. Yaku tanuoka si petinju si ra'ica asalo karuki-ruki.

1 Korintus 9:26 ပူးပေါင်းရင်းမြစ်များ

Matius 11:12

Tumo'tol i Yohanes Mabaptis imai akar intarépé', keli en tou wutu-wutul rumaméji kumua in andumoro' ing Kakolanoan in Sorga wo sé tou wutu-wutul rumaméji muntep ang Kakolanoan in Sorga.

Lukas 13:24

Isowat i Yesus a sé tou am bitu, “Rumaméjio kumiit im papalen pesut. Ampa'paan, icua-Ku ai camu, keli en tou sé rumaméji kumiit am papalen itu taan séra ra'ica icauntep.

1 Korintus 14:9

Taniitu ka'i kamu, sé maroma' mapaké i nunuwu' i Roh. Sa sé nunuwu'mu itu ra'ica kaangéan, tantu ra'ica kaangéan é tou walina sapa em pakua miow. Sé ipakua miow itu ra'ica wana en toronana, tanuoka maroma' an deges.

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

2 Korintus 5:8

ampa'paan in ituo en até ami talesen. Icami lébé masalé' icawekar asi owak ami anio' wo mento' ang karapi i Amang Kasuruan.

Galatia 2:2

Yaku mangé an Yerusalem ampa'paan si Amang Kasuruan icumuao a yaku e musti maangé. Wo an tutuwku a mangé mbitu, yaku meta'up wuntulke' a sé tou sé nianggap pasiriin an jamaat. Wo ipepaarku a sé kikiiten an jamaat itu en Abar Kaaruien andumoro' i Yesus Kristus sé ipakua-kuakuo a sé tou ra'ica Yahudi, wosama' kakailekan é kikiiten sapaoka en tawoienku wutu-wutul mééo im buéna. Wo in taniitu em paraméjianku mengakua in Abar Kaaruien itu a sé tou ra'ica Yahudi indior wo intarépé' ra'ica mara'i-ra'i.

Efesus 6:12

Ampa'paan kita merang ra'ica sumundur sé tou, taan en sundurenta itu sé maperénta, wo sé makakawasa wo sé kawasa ing kayo'baan si riréimbeng anio' wo sé roh léwo' an langit.

Filipi 1:21

Ampa'paan sa kiit yaku, ang katouan anio' menonouke' torona i Kristus. Wo sa aku maté, siituo eng kauntungan ampa'paan aku menonou oka ang karapi i Kristus.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

2 Timotius 2:5

Sa si tou kumiit i mekowa', sia musti kumiit in atoran-atoran im pekowaan itu wosama' muntung.

2 Timotius 4:7

Niéma'kuo en tawoienku ang karapi in sama' akar i malekep, kaputé wo si tou repet em pakatéron kumiit mekowa' tuméron akar in sumiwak. Wo aku kasake' le'tek maéman a si Casuruan.

Ibrani 12:1

Tumo'tolke' mai indior, keli en tou sé imamuali sairi im paémanen éra torona icita. Kita pakali'ciren é tou keli itu tanuoka ing kambung makali'cir icita. Ampa'paan in ituo mayoo tiya'ta waya em pamuléngen wo ing kamesé-meséaan si makaléngkété' ai cita, wo kasake' talesen am pekowaan si pakasarunta.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

1 Petrus 5:1

Yaku ka'i penatua an jamaat kaputé miow. Yaku anio' sairi an tutuw i Kristus pengaokoien. Wo an tutuw i Kristus maai sumawel ang karapi i rarayo wo in sisiri'-Na, yaku icauntep asé tou sé makéré oka bagéan asi rarayo wo in sisiri' si ituru' oka itu. Anaé, sina'uenku kamu sé penatua katawoiku:

2 Petrus 1:10

Ampa'paan in ituo é poo-poowku, kamu musti rumaméji tumuru' sapaoka kamu uli-ulit tinowa wo sinisir i Amang Kasuruan kumiit ai Sia. Sa émaan iow pakasa en itu, em paémanen iow a si Kristus makaketer wo ra'ica kawisa kamu lumepok ang kamesé-meséaan.