1 Korintus 9:20 - En Taar Weru a nunuwu' é Tontemboan

²⁰ Sa ang karapi é tou Yahudi, émaanku eng katouanku tanuoka kéndo' ing katouan é tou Yahudi, wosama' aku ro'na makin sé tou Yahudi a si Kristus. Wo sa ang karapi é tou Yahudi sé keter maéma' in ukum Torat, émaanku eng katouanku meputé wo iséra makiit wutul in ukum Torat. Mandé en ulitna aku ra'ica wina'kes in ukum Torat. Niéma'ku tanu siitu, wosama' aku ro'na makin séra a si Kristus.

1 Korintus 9:20 ပူးပေါင်းရင်းမြစ်များ

Kisah Para Rasul 16:3

Wo icasalé' i Paulus si Timotius kumiit mewali-wali wo sia am bawayaanna, ampa'paan in ituo iru'du' i Paulus tou en sumunat si Timotius. Ampa'paan kailekan é tou Yahudi an sangkum in angéan éra sa si amang i Timotius tou Yunani.

Kisah Para Rasul 18:18

Si Paulus mento'pé' ka'i piraan ngando ang Korintus. Wo sia mekiupus en tumela'u sé poo-poow maéman am bitu wo suméngkot angé an sangkum in Siria mewali-wali wo si Priskila wo si Akwila. Ra'ipé' mangé am bitu, si Paulus kumunting im buukna akar i mala'ngas ang kota Kengkera. Sia méma' in taniitu e mamuali tuus in janjina indior a si Amang Kasuruan, niéma'nao.

Roma 11:14

Arapenku, ang karapi in tawoienku itu sé tou Israel sé esa taranak wo yaku manganat ai camu tou ra'ica Yahudi. Ang karapi in tumaniitu, arapenku aku ro'na lumowir piraan tou asé tou Israel.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Galatia 2:19

Ampa'paan aku tanu si tou imatéo asi ukum Torat wosama' aku menonou torona i Amang Kasuruan. Yaku aisalipo mewali-wali wo si Kristus.

Galatia 4:21

Éi kamu sé masalé' menonou makiit in ukum Torat, ra'ica réén kaangéan iow sapa sé aipatic ang Kitap Le'nas itu?

Galatia 4:5

Sia ayutus ang kayo'baan en tumu'bus sé tou menonou ang kakawasaan in ukum Torat, wosama' kita mamuali toyaang i Amang Kasuruan.

Galatia 5:18

Taan sa iwaya miow e Roh Le'nas merénta in owak iow, kamu ra'ica menonou pakaakinen in ukum Torat.