1 Korintus 9:16 - En Taar Weru a nunuwu' é Tontemboan

¹⁶ Sa aku makua in Abar Kaaruien i Amang Kasuruan, yaku ra'ica toro marayo in owak. En itu musti tawoienku, ampa'paan aku airu'du' i Amang Kasuruan. Icawangkur aku sa ra'ica ipakuaku en Abar Kaaruien andumoro' i Yesus Kristus itu.

1 Korintus 9:16 ပူးပေါင်းရင်းမြစ်များ

Matius 25:16

Si ata tinokéan in lima talenta makala'us mangé e mangkér, wo en untungna lima talenta.

Lukas 9:62

Wo isowat i Yesus a si tou itu, “Sé tou mapajéko ra'ica toro maréng in somoi. Eng kaangéanna tana'i, sé tou makiit Yaku tioo memero-merot in andumoro' sé walina, sa memero-merotke' in tanu siitu, ra'ica patus mamuali tou ang Kakolanoan i Amang Kasuruan.”

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”

Roma 1:14

Ampa'paan pawerotenku sapaoka imamualio tawoienku e mangé kumua in Abar Kaaruien andumoro' i Yesus Kristus a sé pakasa in tou: A sé tou Yunani kuma'pa a sé tou walina, a sé tou isumicola kuma'pa a sé ra'ica isumicola.

Roma 15:17

Anaé, ro'na aku rumayo in owak andumoro' in tawoienku torona i Amang Kasuruan ampa'paan aku meesao wo si Kristus Yesus.

Roma 4:2

Si Abraham nianggap wutul i Amang Kasuruan ra'ica ampa'paan mengaéma' sé loor. Sa sia nianggap wutul i Amang Kasuruan ampa'paan mengaéma' sé loor, sia awéan alasan e rumayo in owakna in esa. Taan sia ra'ica toro rumayo in owakna an dior i Amang Kasuruan.

1 Korintus 4:15

Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

1 Korintus 9:12

Sa sé tou walina masusui in Taar i Casuruan ai camu wo séra awéan hak e makéré sé paperlun éra susur in endo ai camu, tantu icamipé' en lébé awéan hak wo iséra. Taan ra'ica kiim ami maké in hak itu. Aweso taré tanggongen ami in esa eng kawenduan ami, wosama' kami ra'ica sumémpér sé tou en tumerima in Abar Kaaruien andumoro' i Yesus Kristus.

1 Korintus 9:14

Taniitu ka'i wo sé tou makua in Abar Kaaruien andumoro' i Yesus Kristus, séra aitantuo mai i Casuruan e musti makéré ing kaperluan éra susur in endo asé tou sé mengalinga in Abar Kaaruien itu.

2 Korintus 2:12

An tutuwku icateka'o mangé an Troas eng kumua in Abar Kaaruien andumoro' i Yesus Kristus, kinaséréankuo sapaoka si Amang Kasuruan imuka'o in lalan a yaku en sumelewir am bitu.

Kolose 4:17

Wo icuao mangé a si Arkhipus, “Tawoieno mangé en tawoien si aiwéé mai i Casuruan ai co akar ing kumawus.”