1 Korintus 9:14 - En Taar Weru a nunuwu' é Tontemboan

¹⁴ Taniitu ka'i wo sé tou makua in Abar Kaaruien andumoro' i Yesus Kristus, séra aitantuo mai i Casuruan e musti makéré ing kaperluan éra susur in endo asé tou sé mengalinga in Abar Kaaruien itu.

1 Korintus 9:14 ပူးပေါင်းရင်းမြစ်များ

Matius 10:10

Tioo ka'i kamu maali pawalunan am bawayaan, tioo ka'i kamu maali karai ipasawel, selop kuma'pa weka', ampa'paan si tou matawoi patus makéré in laasana.

Lukas 10:7

Wo sa awéan tou itumerimao icamu, mentoo mio' am baléna wo tioo maéra-éra. Wo kumano wo melepo mio' sapa si aiwééna ai camu, ampa'paan si tou matawoi patus makéré in laasana.

Lukas 10:8

Sa kamu muntep an esa kota wo kamu teriman éra kumano mio' sapa si aiwéé éra.

Kisah Para Rasul 18:3

wo sia mento' am bitu ang karapi éra, ampa'paan en tawoien éra puté. Si Paulus tumawoi mewali-wali wo iséra maéma' in ténda.

1 Korintus 4:15

Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

1 Korintus 9:11

An tutuw ami makua in Abar Kaaruien ai camu, en itu meputé wo icami imusewo in lulumbo im paémanen an até miow. Sa taniitu, ra'ica réén toro kami maarap ai camu wosama' sapa sé paperlun ami ang katouan susur in endo ro'na wéan iow?

1 Korintus 9:12

Sa sé tou walina masusui in Taar i Casuruan ai camu wo séra awéan hak e makéré sé paperlun éra susur in endo ai camu, tantu icamipé' en lébé awéan hak wo iséra. Taan ra'ica kiim ami maké in hak itu. Aweso taré tanggongen ami in esa eng kawenduan ami, wosama' kami ra'ica sumémpér sé tou en tumerima in Abar Kaaruien andumoro' i Yesus Kristus.

1 Korintus 9:16

Sa aku makua in Abar Kaaruien i Amang Kasuruan, yaku ra'ica toro marayo in owak. En itu musti tawoienku, ampa'paan aku airu'du' i Amang Kasuruan. Icawangkur aku sa ra'ica ipakuaku en Abar Kaaruien andumoro' i Yesus Kristus itu.

1 Korintus 9:4

Ra'ica réén wana hak aku wo si Barnabas, e makéré kakanen wo elepen asi wuéna in tawoien ami?

2 Korintus 2:12

An tutuwku icateka'o mangé an Troas eng kumua in Abar Kaaruien andumoro' i Yesus Kristus, kinaséréankuo sapaoka si Amang Kasuruan imuka'o in lalan a yaku en sumelewir am bitu.

Galatia 6:6

Si tou tumerima in sususuien andumoro' in Taar i Amang Kasuruan, pakasa sé loor musti iwéténg a si tou si iméé in sususuien itu en tumawang ing kaperluan éra.

1 Tesalonika 1:5

Kailekan ami en itu ampa'paan asi makasa kami mangé ai camu an Tesalonika e mangé kumua in Abar Kaaruien andumoro' i Yesus Kristus. An tutuw itu kami ra'ica asaloke' maké i nunuwu' ami, taan ang karapi ing kawasa i Casuruan wo ang karapi i Roh Le'nas si méma' icamu uli-ulit mercaya in Abar Kaaruien andumoro' i Yesus Kristus itu. Wo sinéréo ka'i miow em peri ami. Anaé, kailekano miow sapaoka en Abar Kaaruien itu wutul.