1 Korintus 9:1 - En Taar Weru a nunuwu' é Tontemboan

¹ Poo-poow, yaku anio' tou ra'ica pakakawasaan é tou walina. Yaku ruru'du'an i Yesus, ampa'paan aku isuméréo in owak i Yesus Apo'ta, wo ka'i ampa'paan icamu ituo em buéna im pinatawoiku torona i Casuruan.

1 Korintus 9:1 ပူးပေါင်းရင်းမြစ်များ

Kisah Para Rasul 13:2

Asi makasa, an tutuw éra mapuasa wo maapo' a si Amang Kasuruan, e Roh Le'nas kumua ai séra, “Tanéo mangé si Barnabas wo si Saulus e méma' in tawoien si aitantu-Kuo ai séra in dua.”

Kisah Para Rasul 14:14

Taan Kelinga i Barnabas wo si Paulus sapa en émaan é tou keli itu, wo késéén éra eng karai éra wo sumolisip angé an uner é tou keli itu ang karapi i maangko',

Kisah Para Rasul 14:4

Taan sé tou keli ang kota itu mamuali rua ngareru'. Awéan sé marapit a sé tou Yahudi ra'ica maéman, wo awéan ka'i sé marapit a sé rua ruru'du'an itu.

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Kisah Para Rasul 9:17

Kekawus ako in itu, si Ananias mangé am balé pakaento'an i Saulus wo muntep angé mbitu. An tutuw sia meta'up wo si Saulus wo sia maro ing kamana am bawo in do'kos i Saulus wo icuana, “Saulus poowku, si Apo' Yesus e rumu'du' yaku mai am bia'i wosama' ko ro'na suméré sumawel wo ka'i kawasan i Roh Le'nas. Siao en sinérému an uner in lalan tutuwmu mai am bia'i.”

Kisah Para Rasul 9:3

Am bawayaanna maangé an Damsyik tutuwna matawio mangé ing kota itu, tumarépé'anke'mai awéan sendot tumélangai an langit wo lumi'cir sia.

Kisah Para Rasul 9:5

Isowat i Saulus, “Si séi réén Ko é Tuang?” Icua-Na, “Yakuo si Yesus si pengoko-ngokoienmu itu.

Roma 1:1

En surat anio' a yaku owo, Paulus. Yaku anio' ata i Kristus Yesus si tinowao mamuali ruru'du'an-Na wo si sinisiro eng kumua in Abar Kaaruien i Amang Kasuruan.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 11:13

Taan intarépé' icuaku ai camu é bangsa ra'ica Yahudi: Yaku ayutusai mamuali ruru'du'an i Apo' Yesus eng kumua in Abar Kaaruien a sé tou ra'ica Yahudi. Wo anggapenku en tawoien itu patus irayo.

1 Korintus 1:1

En surat anio' a yaku owo Paulus, si tinowao mamuali ruru'du'- an i Yesus Kristus kumiit ing kasalé'an i Amang Kasuruan. Wo en surat anio' aipaticku wo si Sostenes, poowta an esa paémanen.

1 Korintus 10:29

Em paangé-angénku até weresi i tou icumua ai camu, ra'ica até weresi miow in esa. Awéan wona' ai camu mamuéi in tana'i, “Kéitu réén eng kaloasanku musti aitantu in até weresi é tou walina?

1 Korintus 10:30

Sa aku kuman ing kakanen sapa-sapake' wo kumua makapulu'sama' a si Casuruan andumoro' ing kakanen itu, tantu ra'io wana alasan sé tou walina rumoros yaku ampa'paan aku mééo makapulu'sama' a si Amang Kasuruan ampa'paan ing kakanen itu.”

1 Korintus 11:16

Taan sa awéan tou sumangkal sapa sé aicuaku anio', sia kuananku in tana'i: kami wo sé jamaat i Amang Kasuruan am bisa-wisa makaanu ing kanaramen tanu si aicuaku itu. Ra'ica wana walina.

1 Korintus 3:6

Yaku Paulus musew in lulumbo, si Apolos inumaam, taan si Amang Kasuruan in esa e méma' mai in tinanem itu tumou.

1 Korintus 9:19

Mandé ka'i aku ra'ica ata asi séike', taan niéma'kuo en owakku ata é pakasa in tou. Niéma'ku en itu, wosama' ro'na akinenku lébé keli en tou mai a si Kristus.

2 Korintus 10:7

Séréno sapa sé an dior iow. Sa tou maéman sapaoka sia anu i Kristus, sia in esa ka'i musti merot icami anu i Kristus kaputéna.

2 Korintus 11:5

Yaku uli-ulit ra'ica mendam lébé wawa' wo sé ruru'du'- an wangko' itu.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 1:1

En surat anio' a yaku owo Paulus. Yaku mamuali ruru'du'an, ra'ica airu'du' é tou wo ra'ica ka'i niangkai i esa tou. Taan aku mamuali ruru'du'an ampa'paan i Yesus Kristus wo si Amang Kasuruan, Amangta, si tumou sumawel si Yesus an uner é tou imaté.

Galatia 5:1

Si Kristus iméma'o icita ra'io ka'i ang kakawasaan in ukum Torat, wosama' kita ra'io pakawa'kesen in ukum Torat. Ampa'paano in itu timboieno sumama-sama' eng kaloasan itu, wo tioo maréng menonou tanuoka ata si pakawa'kesen in ukum Torat.

1 Tesalonika 2:6

Kami ka'i ra'ica kawisa mangéré i rarayo ai camu kuma'pa a sé tou walina. En ulitna, kami ruru'du'an i Kristus ro'na mangilek sapa-sapake' ai camu im baya.

1 Timotius 2:7

Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.

2 Timotius 1:11

Sinisir i Amang Kasuruan aku mamuali ruru'du'an-Na wo guru eng kumua in Abar Kaaruien andumoro' i Yesus Kristus a sé tou.