1 Korintus 8:9 - En Taar Weru a nunuwu' é Tontemboan

⁹ Taan kamu musti mareti-reti. Mandé ka'i ro'na kanen iow sé ayumper itu ampa'paan papercayan iow en itu ra'ica mamuali soal, taan tioo tumawér sé tou walina sé ra'ipé' keter em paémanen eng kuman ing kakanen itu. Paweroten éra ang karapi ing kuman sé ayumper itu, séra iméma'o ing kamesé-meséaan.

1 Korintus 8:9 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Roma 15:1

Kita sé ketero em paémanen, musti talesen a sé tou sé ra'ipé' keter em paémanen. Tioo kita mangéré-ngéréke' ing kaaruianta in esa.

1 Korintus 10:24

Tioo awéan esaan ai camu mangéré kauntunganna in esa, taan esa wo si esa tou mangéré mangé kauntungan é tou walina.

1 Korintus 10:28

Taan sa awéan tou kumua ai camu, “Eng kakanen itu ayumpero a sé opo-opo',” ra'ica toro kanen iow eng kakanen itu. Ampa'paan musti weroten iow in até weresi.

1 Korintus 10:29

Em paangé-angénku até weresi i tou icumua ai camu, ra'ica até weresi miow in esa. Awéan wona' ai camu mamuéi in tana'i, “Kéitu réén eng kaloasanku musti aitantu in até weresi é tou walina?

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 8:10

Em peangé-angénku tana'i: kamu makaanuo ing kakailekan, ang karoro'an i makalukut makan in sama'na an tampa pengaapo'an a sé opo-opo'. Wo kamu kaséréan i esa tou sé ra'ipé' keter em paémanen, ang karoro'an i makalukut makan in sama'na am bitu, en itu iméma'o sia mekiit kuman ing kakanen si ayumpero a sé opo-opo' itu.

1 Korintus 8:12

Sa kamu méma' ing kamesé-meséaan tanu siitu a sé poo-poow iow esa paémanen, kamu iméla'o in até weresi éra sé ra'ipé' keter em paémanen, icamu iméma'o ing kamesé-meséaan an dior i Kristus.

1 Korintus 9:22

An tutuwku an uner é tou ra'ipé' keter em paémanen, émaanku ka'i en owakku meputé wo iséra, wosama' aku ro'na maakin iséra a si Kristus. Niéma'kuo en owakku meputé wo sé pakasa in tou sé paselewiranku wo lalan sapake' mangé en itu, émaanku, en lumowir piraan tou ai séra.

2 Korintus 11:21

Mandé kai malawi', musti icuaku sapaoka kami maindé'ke' mengaéma' tanu sé pengaémaan éra. Taan sa sé tou walina ra'ica maindé' marayo in owak éra, mandé ka'i kalingaan tanuoka im pakaroma' é tou bodok, yaku ka'i ra'ica maindé' rumayo in owak.

2 Korintus 11:29

Sa linganku awéan tou an jamaat ra'ica keter, yaku ka'i makapendam ra'ica keter. Sa linganku awéan tou icasangkil ang kamesé-meséaan, en atéku tanuoka makateri-teri ampa'paan im bendu.

2 Korintus 6:3

Ra'ica kiim ami en tawoien ami pawéan meséa'. Ampa'paano in itu kami rumaméji ra'ica méé alasan a si séike' e méé kaséaan an tawoien ami.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

1 Petrus 2:16

Kamu anio' tou sé ra'io pakakawasan ing kamesé-meséaan ampa'paan kamu aiwekaro i Amang Kasuruan ang kakawasaan ing kamesé-meséaan, taan tioo pepaké-pakén eng kaloasan itu en tumutuw ing kaléwo-léwo'an iow. Taan menonouo mio' kamu tanuoka ata-Na.

2 Petrus 2:19

Sé guru ra'ica wutul itu jumanji sapaoka sa kiiten é tou en sususuien éra itu, sé tou itu ra'ica kawasan in atoran-atoran wo ro'na méma' sapake' sé icasalé' éra. Taan sé guru ra'ica wutul itu, séra in esa meputé wo sé ata' ampa'paan séra kinawasa ing kasalé'an in owak si léwo'. Si séi eng kinala i tou icumawasa, sia imamualio ata asi tou icumawasa itu.

Wahyu 2:14

Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.