1 Korintus 8:7 - En Taar Weru a nunuwu' é Tontemboan

⁷ Mandé ka'i in taniitu, ra'ica pakasa in tou makailek andumoro' in itu. Awéan tou indior mengaapo' a sé opo-opo', taan intarépé' maémano a si Yesus Kristus. Ampa'paan in ituo akar intarépé' séra makapendamé' sapaoka eng kakanen sé airagéso a sé opo-opo' itu, kakanen torona é opo-opo'. Anaé, sa séra kuman ing kakanen itu séra makapendam méma'o ing kamesé-meséaan, ampa'paan em paémanen éra ra'ipé' keter.

1 Korintus 8:7 ပူးပေါင်းရင်းမြစ်များ

Kisah Para Rasul 15:20

Taan, lébé loor sa ipaticta surat wo iwéé ai séra, wosama' séra ra'ica toro kuman ing kakanen najis sé ayumpero a sé opo-opo', ra'ica toro kuman in sama'na é binatang sé pinaté ampa'paan kiniselan eng kolot, kuma'pa kuman in enda', wo ka'i ra'ica toro mengabersina.

Roma 14:14

Ampa'paan aku meesao ang karapi i Apo' Yesus, anaé kailekanku wo percayanku keli sapaoka ra'ica wana kakanen si ra'ica toro kanen; taan sa awéan e maanggap sapaoka awéan kakanen si ra'ica toro kanen, eng kakanen itu najis ai siake'.

Roma 15:14

Poo-poowku an esa paémanen, uli-ulit percayanku sapaoka kamu iméma'o ing keli kalooran. Kamu ka'i kelio eng kakailekan andumoro' in sususuien i Amang Kasuruan, wo makawoo mensin-sina'uan si esa wo si esa.

1 Korintus 10:25

Ro'na kanen iow sé sama'na sé ipawangkér é tou am pasar. Ra'ica sangali pangérén iow am bisa owo sé sama'na itu, pinakéo torona i raragés kuma'pa ra'ica. Kuman in sama'na tanu siitu en até weresi miow ra'ica sangali mendam i meséa'.

1 Korintus 8:1

Poo-poowku, intarépé' icasalé'ku icua ai camu andumoro' ing kakanen iparagés a sé opo-opo'. Awéan sé tou makua in tana'i: “Kita im baya sé maéman makaileko andumoro' in itu.” Eng kakailekan tanu siitu mengaéma' icamu makatirayo, taan en upus ro'na méé ing kaketeran a sé tou walina.

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

1 Tesalonika 5:14

Pangileken ami ka'i ai camu é poo-poow, pengaromaan angé in sama' sé tou ra'ica kiim tumawoi, keteran angé en até é tou toloindé', tawangen angé sé tou patus tawangen wo malese-lesen angé a sé im pakasa é tou.