1 Korintus 8:4 - En Taar Weru a nunuwu' é Tontemboan

⁴ Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

1 Korintus 8:4 ပူးပေါင်းရင်းမြစ်များ

Markus 12:29

Isowat i Yesus, “En ukum kumataré-taré am pakasa in ukum tana'i, ‘Éi tou Israel, linganai sumama-sama'! Si Amang Kasuruan ituo Si Casuruanta, Sia wayake' in esa.

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 15:20

Taan, lébé loor sa ipaticta surat wo iwéé ai séra, wosama' séra ra'ica toro kuman ing kakanen najis sé ayumpero a sé opo-opo', ra'ica toro kuman in sama'na é binatang sé pinaté ampa'paan kiniselan eng kolot, kuma'pa kuman in enda', wo ka'i ra'ica toro mengabersina.

Kisah Para Rasul 19:26

Intarépé' sinéréo wo liningao miow in esa, ampa'paano taré i Paulus akar sé tou ra'io maapo' a si opo'ta Artemis. Pemaso-masoonna in léwo' sé tou wo ipakuana, sé patong paémaanta ra'ica wutul. En itu aicuana ra'ica asaloke' an Efesus, taan misio am pakasa in Asia.

1 Korintus 8:1

Poo-poowku, intarépé' icasalé'ku icua ai camu andumoro' ing kakanen iparagés a sé opo-opo'. Awéan sé tou makua in tana'i: “Kita im baya sé maéman makaileko andumoro' in itu.” Eng kakailekan tanu siitu mengaéma' icamu makatirayo, taan en upus ro'na méé ing kaketeran a sé tou walina.

1 Korintus 8:10

Em peangé-angénku tana'i: kamu makaanuo ing kakailekan, ang karoro'an i makalukut makan in sama'na an tampa pengaapo'an a sé opo-opo'. Wo kamu kaséréan i esa tou sé ra'ipé' keter em paémanen, ang karoro'an i makalukut makan in sama'na am bitu, en itu iméma'o sia mekiit kuman ing kakanen si ayumpero a sé opo-opo' itu.

1 Korintus 8:11

Wo ampa'paan ing kakailekan iow, iméma'o si tou ra'ipé' keter em paémanen itu icasélé'kow, en ulitna si Kristus imaté torona ka'i sia.

Galatia 4:8

Indior an tutuw iow ra'ipé' makatuus si Amang Kasuruan, kamu mengaata in owak a sé opo-opo' sé wutu-wutul ra'ica Amang Kasuruan.

Efesus 4:6

wo esa Amang Kasuruan. Siao si Amang é pakasa in tou maéman. Wo Siao si maperénta waya sé tou, wo si matawoi mewali-wali wo sé tou maéman, wo mento' an até éra.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

1 Timotius 2:5

Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.

Yudas 1:25

Wayake' Sia in esa, si lumowir icita ampa'paano i Yesus Kristus Apo'ta. Sia em patus tumerima i rarayo wo in sisiri', ampa'paan ing kawangko'-Na wo ing kawasa-Na en tumu'tul wo merénta im baya-waya tumo'tolai indior, intarépé' wo akar ing kauré-uré. Ulit.