1 Korintus 8:13 - En Taar Weru a nunuwu' é Tontemboan

¹³ Anaé, sa eng kakanen si ayumpero a sé opo-opo' itu iméma'ke taré si poowku esa paémanen méma' ing kamesé-meséaan, ra'io kiimku ka'i kuman in sama'na, sa ampa'paan yaku akar si poowku esa paémanen lumepok ang kamesé-meséaan. En itu meputéo aku mamualike' watu pasangkilan ai sia.

1 Korintus 8:13 ပူးပေါင်းရင်းမြစ်များ

Matius 17:27

Taniitu ka'i wo icita, kita ro'nake' ra'ica mér im pajak im Balé Le'nas. Taan, wosama' kita ra'ica mamuali watu pasangkilan é tou matagi im pajak im Balé Le'nas, aweso taré ko mangéo mesi sera' an lour, si sera' kataré pinesimu, indonmu wo wukaan em ba'ba'na wo kaséréanmu oka roit epat dirham. Indono mio' en doit itu wo mangéo iwéé a sé tou matagi im pajak em bér im pajakta in dua.”

Kisah Para Rasul 15:20

Taan, lébé loor sa ipaticta surat wo iwéé ai séra, wosama' séra ra'ica toro kuman ing kakanen najis sé ayumpero a sé opo-opo', ra'ica toro kuman in sama'na é binatang sé pinaté ampa'paan kiniselan eng kolot, kuma'pa kuman in enda', wo ka'i ra'ica toro mengabersina.

Roma 14:13

Ampa'paano in itu tioo kita membém-béané' ing kaséaan si esa wo si esa. Taan aweso taré kamu rumaméjio ra'ica mengaéma' in andumoro' sé ro'na tumawér sé poo-poow an esa paémanen katawéran wo icasélé'kow.

Roma 14:21

Aweso taré kamu tioo mengakan in sama'na, kuma'pa mengaelep anggor, kuma'pa mengaéma' sapake' mangé sa en itu méma' si poow an esa paémanen meséa'.

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 10:33

Menonouo mio' kaputéku. Raméjinku marui in até é tou am baya-waya. Yaku ra'ica mangéré ing kalooranku in esa, taan aku mangéré ing kalooran é tou keli wosama' séra ro'na lowiren.

1 Korintus 13:5

Sia ka'i ra'ica mengaéma' sé ra'ica sumoma wo ra'ica maéré ing kasalé'- an in owakna in esa. Sia ra'ica taporak mae'bow wo ka'i ra'ica ipaéma'na an até eng kameséaan é tou walina.

1 Korintus 6:12

Awéan tou an uner iow makua, “Sapa-sapake' ro'na émaanku.” Taan sa aku, ra'ica pakasa sé pengaémaan é tou awéan torona. Anaé, mandé ka'i aku ro'na méma' in sapake' mangé, taan ra'ica kiimku en owakku kawasan in sapake' mangé itu.

1 Korintus 9:12

Sa sé tou walina masusui in Taar i Casuruan ai camu wo séra awéan hak e makéré sé paperlun éra susur in endo ai camu, tantu icamipé' en lébé awéan hak wo iséra. Taan ra'ica kiim ami maké in hak itu. Aweso taré tanggongen ami in esa eng kawenduan ami, wosama' kami ra'ica sumémpér sé tou en tumerima in Abar Kaaruien andumoro' i Yesus Kristus.

2 Korintus 11:29

Sa linganku awéan tou an jamaat ra'ica keter, yaku ka'i makapendam ra'ica keter. Sa linganku awéan tou icasangkil ang kamesé-meséaan, en atéku tanuoka makateri-teri ampa'paan im bendu.

2 Korintus 6:3

Ra'ica kiim ami en tawoien ami pawéan meséa'. Ampa'paano in itu kami rumaméji ra'ica méé alasan a si séike' e méé kaséaan an tawoien ami.