1 Korintus 8:1 - En Taar Weru a nunuwu' é Tontemboan

¹ Poo-poowku, intarépé' icasalé'ku icua ai camu andumoro' ing kakanen iparagés a sé opo-opo'. Awéan sé tou makua in tana'i: “Kita im baya sé maéman makaileko andumoro' in itu.” Eng kakailekan tanu siitu mengaéma' icamu makatirayo, taan en upus ro'na méé ing kaketeran a sé tou walina.

1 Korintus 8:1 ပူးပေါင်းရင်းမြစ်များ

Kisah Para Rasul 15:10

Sa taniitu, kéitu réén kamu mangepé' a si Amang Kasuruan ang karapi méé im pamuléngen a sé tou ra'ica Yahudi sé maémano? Sé apo-apo'ta wo ka'i cita in esa ra'ica kawisa makawoo méma' waya in ukum Torat.

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

Kisah Para Rasul 21:25

Taan andumoro' é tou ra'ica Yahudi sé maémano, séra kinirimano ami surat andumoro' sé pinusé' amio. Em pinusé' ami itu tana'i: séra ra'ica toro kuman ing kakanen sé ayumpero a sé opo-opo', ra'ica toro kuman in enda' kuma'pa kuman sé binatang imaté ampa'paan kinisel, wo ra'ica toro mengabersina.”

Roma 11:25

Poo-poow esa paémanen, icuaku ai camu sé icaenepé' wosama' kamu ra'ica matirayo. Si anioo em pawasan i Amang Kasuruan sé icaenepé' itu: Kelian sé tou Israel imamualio keté ro'kos taan séra mamuali taniitu ra'ica akar ing kauré-uré, taan akarke' i malekep eng kakelina é tou ra'ica Israel sé maéman a si Kristus sé aitantuo i Amang Kasuruan.

Roma 12:16

Menonouo mangé kamu meesa en até wo esa wewerot a si esa wo si esa. Tioo kamu mengarangka' in owak, taan mekarapio mangé wo sé tou ipawawa-wawa'. Wo tioo maanggap in owak iow si pinter keli!

Roma 14:10

Anaé, tioo kamu mengawéé ing kaséaan a sé poo-poow an esa paémanen. Wo tioo kamu maséro' a sé poo-poow an esa paémanen. Ampa'paan kita im baya mai tumulung oka an dior i Amang Kasuruan en akimen asi endo kaka'puan ing kayo'baan.

Roma 14:14

Ampa'paan aku meesao ang karapi i Apo' Yesus, anaé kailekanku wo percayanku keli sapaoka ra'ica wana kakanen si ra'ica toro kanen; taan sa awéan e maanggap sapaoka awéan kakanen si ra'ica toro kanen, eng kakanen itu najis ai siake'.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

Roma 14:22

Sa percayan iow em pengaémaan iow itu ra'ica meséa', émaano mangé en itu an diorke' i Amang Kasuruan wo torona in owak iow in esa. Pakakamangen sé tou ra'ica mendam i meséa' an tutuw sia méma' sapa si anggapenna wutul.

Roma 14:3

Si tou ro'na kuman pakasa ing kakanen tioo mengaséro' si tou kuman in séndéénke'. Taniitu ka'i si tou kuman in séndéénke', tioo mawéé kaséaan a si tou mengakan pakasa ing kakanen, ampa'paan si tou itu tinerimao i Amang Kasuruan.

Roma 15:14

Poo-poowku an esa paémanen, uli-ulit percayanku sapaoka kamu iméma'o ing keli kalooran. Kamu ka'i kelio eng kakailekan andumoro' in sususuien i Amang Kasuruan, wo makawoo mensin-sina'uan si esa wo si esa.

1 Korintus 1:5

Ampa'paan kamu mamualio anu i Kristus, akar kamu imasiya'o am baya-waya tanu mai sé anio': makawoo maroma' i nunuwu' loor wo kelian eng kailekan andumoro' im paémanen a si Kristus.

1 Korintus 10:15

Ipakuaku andumoro' sé anio' ai camu ampa'paan kailekanku sapaoka kamu tou awéan kapinteran. Anaé, camu oka in esa e merot sé ipakuaku anio' wutul kuma'pa ra'ica.

1 Korintus 10:28

Taan sa awéan tou kumua ai camu, “Eng kakanen itu ayumpero a sé opo-opo',” ra'ica toro kanen iow eng kakanen itu. Ampa'paan musti weroten iow in até weresi.

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 4:18

Awéan piraan tou ai camu an jamaat Korintus imatirayoo ampa'paan paweroten éra aku ra'io maai sumawel ai camu.

1 Korintus 4:6

Poo-poowku sé maéman! Yaku matic andumoro'ku wo si Apolos torona ing kalooran iow. Paarapen ami, kamu ro'na suméré icami in dua tanu paandéan wo ro'na oka kaajaran iow sapa eng kaangéan é nunuwuun ang Kitap Le'nas anio', “Émaano sapa si aipatic ang Kitap Le'nas, tioo mengaéma' andumoro' sé walina sé pinéro ang Kitap Le'nas.” Wo in taniitu ra'ica wana ai camu en tumirayo si kikiiten iow wo mengawawa' si kikiiten walina.

1 Korintus 5:2

Mandé ka'i an uner iow awéan tou maéma' ing kameséaan tanu siitu taan kamu tirayopé'. Si patus ai icamu, kamu musti masusa en até wo si tou maéma' ing kaléwo'an itu musti icesot iow an jamaat.

1 Korintus 5:6

Mandé ka'i awéan tou maéma' ing kamesé-meséaan an jamaat iow taan kamu marayopé' in owak. En itu ra'ica patus. Tantu kailekano miow si andéan anio': E ragi sangatekic ro'na méma' pakasa in adonan roti ruméis. Eng kaangéanna tana'i: mandé ka'i esake' tou an uner iow méma' ing kaléwo'an, sia itu ro'na tumawér pakasa in tou maéman walina akar kumiit méma' ing kaléwo'an.

1 Korintus 8:2

Sa awéan tou mawerot sapaoka sia kelio eng kailekan, en ulitna sia itu keliané sé ra'ipé' kailekanna si musti kailekanna.

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

1 Korintus 8:7

Mandé ka'i in taniitu, ra'ica pakasa in tou makailek andumoro' in itu. Awéan tou indior mengaapo' a sé opo-opo', taan intarépé' maémano a si Yesus Kristus. Ampa'paan in ituo akar intarépé' séra makapendamé' sapaoka eng kakanen sé airagéso a sé opo-opo' itu, kakanen torona é opo-opo'. Anaé, sa séra kuman ing kakanen itu séra makapendam méma'o ing kamesé-meséaan, ampa'paan em paémanen éra ra'ipé' keter.

Efesus 4:16

Siao en tumu'tul im pakasa sé an owak akar imetu'tul sama' wo meesa, ampa'paan pakasa sé an owak itu awéan ubungan i esa wo si esa. Wo an tutuw i esa wo si esa anggota an owak matawoi ang karapi i mauli-ulit, pakasa sé an owak itu tumou oka wo mewali-wali mangun in owak ang karapi i meupu-upusan.

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

Wahyu 2:14

Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.