1 Korintus 7:7 - En Taar Weru a nunuwu' é Tontemboan

⁷ En ulitna lébé icasalé'ku woo pakasa en tou meputé wo yaku. Taan si Amang Kasuruan itumambéro mai ing kamang a sé tou esa wo si esa ra'ica pineputé, si esa winéanai sia'i, sé walina ka'i winéanai siitu.

1 Korintus 7:7 ပူးပေါင်းရင်းမြစ်များ

Kisah Para Rasul 26:29

Wo isowat i Paulus, “Yaku masalé' sumombayang a si Amang Kasuruan wosama' si colano maéman a si Yesus, wo ka'i pakasa in tou am bia'i wo sé imakalinga in aicuaku, rior kuma'pa uré, mamuali puté wo yaku. Taan ra'ica mamuali tou pakawa'kesen tanu yaku intarépé'.”

Roma 12:6

Taniituo ka'i kita makaanu membam-balinaan kamang si aitambér i Amang Kasuruan iciit in upus aitambér-Na ai cita. Sa eng kamang aitambér-Na ai cita itu e makua i nunuwu'-Na a sé tou, musti icuata en Taar-Na itu kiit im paémanenta ai Sia.

1 Korintus 12:11

Pakasa en itu niéma' i Roh Le'nas si wayake' in esa wo si meputé. Si esa wo si esa tou winéan-Na mai kamang aitambér sé membam-balinaan kumiit ing kasalé'an i Roh.

1 Korintus 12:4

Membam-balinaan eng kamang aitambér i Roh Le'nas, taan em pakasa itu aiwéé i esa Roh.

1 Korintus 7:8

A sé tou sé ra'ipé' icumawéng wo a sé wéwéné sé imabaluo sina'uenku, aweso taré menonouo ra'io kumawéng, kaputéku ka'i.

1 Korintus 9:15

Taan ra'ipé' sumangkum ako aku maké mandé esake' asé hak itu. Wo em pakasa en anio' aipaticku ra'ica ampa'paan i mangile-ngilek in hakku. Aweso taré aku maté, wo taré katalaan ing katirayoanku. Ampa'paan mamuali esa rarayo a yaku, sa aku makua in Abar Kaaruien andumoro' i Yesus Kristus ra'ica mangile-ngilek ai camu.

1 Korintus 9:5

Ra'ica réén wana hak kami e makawali si penanaan ami esa paémanen eng kumiit ang karapi ami mangé sumelewir, kaputé im pinengaéma' é tuari i Apo' Yesus, wo sé ruru'du'an walina icauntep si Petrus?