1 Korintus 7:40 - En Taar Weru a nunuwu' é Tontemboan

⁴⁰ Taan iciit im pakawerotku in esa, sia lébé arui sa sia ka'i ra'ica kawéngen. Wo pendamenku e Roh i Amang Kasuruan maakin yaku an tutuwku makua sé itu.

1 Korintus 7:40 ပူးပေါင်းရင်းမြစ်များ

1 Korintus 7:1

Poo-poowku, intarépé' aku rumoma' andumoro' sé winuéi iow a yaku an untep in surat si aicirim iow indior. Em binuéi iow tana'i, “Loor réén si esa tuama ra'ica kumawéng?” Sa iciit yaku en itu loor,

1 Korintus 7:35

Ipakuaku pakasa itu torona ing kalooran iow, ra'ica méro icamu méma' sapa en icasalé' miow. Taan icasalé'ku kamu méma' sé patus ai camu wosama' kamu ro'na kumiit si Casuruan ra'ica wana e makala-kala'.

1 Korintus 7:6

Sé aicuaku anio' asalo sina'u ra'ica perénta.

1 Korintus 7:8

A sé tou sé ra'ipé' icumawéng wo a sé wéwéné sé imabaluo sina'uenku, aweso taré menonouo ra'io kumawéng, kaputéku ka'i.

2 Korintus 12:11

Yaku rumayoo in owakku in esa tanuoka sé tou bodok. Taan kamuo sé ilumesé' akar aku méma' tanu siitu. En ulitna icamuo si musti mengarayo yaku tanu siitu. Ampa'paan mandé ka'i aku anio' ipakua é tou ra'ica makailek in sapa-sapa, taan am baya-waya yaku ra'ica kaindoan é ruru'du'an wangko' itu.

2 Korintus 13:3

Yaku oka en tumuru' in tuus sé icasalé' miow sapaoka aku airu'du' i Kristus e rumoma' ai camu. Sa romaan-Na kamu romaan-Na oka ra'ica in lemé', taan turu'-Na eng kawasa-Na an uner iow.

2 Korintus 8:10

Kiit im bewerotku, an témponao lekepen iow sapa sé niéma'o miow tumo'tol asi ta'un lumangkoi. Ampa'paan icamuo eng kataré-taré merot wo tumo'tol in tawoien mengawéé roit ipatawang.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.