1 Korintus 7:38 - En Taar Weru a nunuwu' é Tontemboan

³⁸ Anaé, si tou icumawéng wo si patunanganna iméma'o in loor, wo si tou ra'ica icumawéng wo si patunanganna, iméma'o sé lébé loor.

1 Korintus 7:38 ပူးပေါင်းရင်းမြစ်များ

Matius 5:32

Taan icua-Ku mangé ai camu, sa si tuama cuméré si penanaanna wo kumawéng sumawel wo si wéwéné walina, si tuama itu mabersinao, aluar si penanaanna ang karapio é tuama walina. Wo si séike' eng kumawéng si wéwéné si aicéréna itu sia mabersinao.”

1 Korintus 7:26

Pawerotenku tana'i: tuma'néi asi témpo ya'sa kelian kasusaan, lébé loor kamu ra'ica rumoba sapa-sapa asi katouan iow.

1 Korintus 7:37

Taan sa awéan esa tuama makawoo tumang ing kasalé'an in owak, wo musé'o e ra'ica kumawéng wo si patunanganna, wo em pinusé'na itu ra'ica pinelesé' taan wutu-wutul an até owo, e niéma'na itu loor.

1 Korintus 7:39

Si wéwéné kinawéngo ra'ica toro kawéngen é tuama walina, ang kauré si penanaanna menonoué'. Sa si penanaanna imatéo, sia ro'nao kumawéng ang karapi i tuama si icasalé'na si esa paémanen a si Kristus.

1 Korintus 7:8

A sé tou sé ra'ipé' icumawéng wo a sé wéwéné sé imabaluo sina'uenku, aweso taré menonouo ra'io kumawéng, kaputéku ka'i.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.