1 Korintus 7:36 - En Taar Weru a nunuwu' é Tontemboan

³⁶ Taan sa si esa tuama mentantuano kumawéng wo si esa wéwéné, wo weroten i tuama itu ra'ica loor sa ra'ica kawéngenna si patunanganna itu, ampa'paan si wéwéné patunanganna itu ka'i makamatu'ao, wo sa si tuama itu masalé' awéan penanaan, aweso taré séra kumawéng. En itu ra'ica kamesé-meséaan.

1 Korintus 7:36 ပူးပေါင်းရင်းမြစ်များ

Matius 1:18

Tana'i en sisisilen andumoro' ing ketou i Yesus Kristus: Si Maria inang i Yesus, tinantuano kawéngen i Yusuf, taan an tutuw éra ra'ipé' icumawéng, si Maria maowa-owako ampa'paan ing kawasa i Roh Le'nas.

Matius 5:40

Wo sa awéan tou tumuntut icamu am pangadilan ampa'paan casalé'na eng karai iow, iwééo mio' ka'i en juba miow ai sia.

1 Korintus 7:35

Ipakuaku pakasa itu torona ing kalooran iow, ra'ica méro icamu méma' sapa en icasalé' miow. Taan icasalé'ku kamu méma' sé patus ai camu wosama' kamu ro'na kumiit si Casuruan ra'ica wana e makala-kala'.

1 Korintus 7:37

Taan sa awéan esa tuama makawoo tumang ing kasalé'an in owak, wo musé'o e ra'ica kumawéng wo si patunanganna, wo em pinusé'na itu ra'ica pinelesé' taan wutu-wutul an até owo, e niéma'na itu loor.

1 Korintus 7:9

Taan sa séra ra'ica makawoo tumang ing kasalé'an in owak, aweso taré séra kumawéng. Ampa'paan lébé loor séra kumawéng wo taré ra'ica kumawéng taan en até éra pakakawasan ing kasalé'an in owak.