1 Korintus 7:31 - En Taar Weru a nunuwu' é Tontemboan

³¹ Sé tou asalo menguru-ngurus ing katouan éra asi cayo'baan anio', séra ra'ica toro kuma'pu in témpo e memero-merotke' andumoro' sé itu. Ampa'paan eng kayo'baan pakaento'anta anio' ra'io uré ka'i imaka'pu.

1 Korintus 7:31 ပူးပေါင်းရင်းမြစ်များ

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

1 Korintus 7:29

Poo-poow sé maéman, em paangé-angénku tana'i: Kita ra'io kelian en témpo! Anaé, tumo'tol intarépé' sé tuama makapenanaano, musti méma' tanuoka kéndo' ra'ica wana penanaan.

1 Korintus 7:30

Wo sé tou maamé' tioo memero-merot andumoro' ing kawenduan. Wo sé tou maaru-arui tioo memero-merot ing kaaruian. Wo sé tou awéano en tinelesan tioo memero-merot andumoro' ing kasiyaanna.

1 Korintus 9:18

Anaé, sa taniitu sapa en laasa kéréanku? En laasa kéréanku anio': yaku makawoo kumua in Abar Kaaruien andumoro' i Yesus Kristus wo ra'ica wana e méé laasa, wo aku ra'ica maké in hakku e mangilek in laasa e mengakua in Abar Kaaruien itu.

Ibrani 12:27

Si nunuwu' “makasapé'” eng kaangéanna pakasa sé niéma'-Na asi cayo'baan anio' ipangéro' oka wo materi, wosama' sapa sé ra'ica toro ipaéro' siituo sé matela'u.

Yakobus 4:14

Sédangkan si mamuali woondo ra'ipé' kailekan iow. Sapa réén en torona ing katouan iow? Eng katouan iow puté in susuwa si ra'- ica uré kaséréan wo icatala.

1 Petrus 1:24

Ang Kitap Le'nas aipatic in tana'i, “Sé tou menonou tanuoka rukut, wo pakasa eng kapasunganna tanuoka im bungang in dukut, sa en dukut mapera, em bungangna ka'i rumongkor.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Yohanes 2:17

Eng kayo'baan anio' wo pakasa eng kasalé'an in tou ang karoro'an icatala. Taan en tou sé mengaéma' ing kasalé'an i Amang Kasuruan, tatap menonou akar ing kauré-uré.