1 Korintus 7:28 - En Taar Weru a nunuwu' é Tontemboan

²⁸ Taan sa si tuama masalé' kumawéng, en itu ra'ica meséa'. Taniitu ka'i, sa si mangala'un masalé' kumawéng, en itu ra'ica meséa'. Taan sé tou icumawéngo, mendam oka ing keli kawenduan ang katouanna. Si icasalé'ku woo wosama' kamu ra'ica mamendam ing kawenduan itu.

1 Korintus 7:28 ပူးပေါင်းရင်းမြစ်များ

Matius 5:32

Taan icua-Ku mangé ai camu, sa si tuama cuméré si penanaanna wo kumawéng sumawel wo si wéwéné walina, si tuama itu mabersinao, aluar si penanaanna ang karapio é tuama walina. Wo si séike' eng kumawéng si wéwéné si aicéréna itu sia mabersinao.”

1 Korintus 7:26

Pawerotenku tana'i: tuma'néi asi témpo ya'sa kelian kasusaan, lébé loor kamu ra'ica rumoba sapa-sapa asi katouan iow.

1 Korintus 7:27

Sa awéan tuama icumawéngo, ra'ica toro sia rumaméji metané wo si penanaanna. Wo sa awéan tuama sé ra'ipé' icumawéng, sia ra'ica sangali rumaméji mangéré wéwéné ing kawéngen.

1 Korintus 7:29

Poo-poow sé maéman, em paangé-angénku tana'i: Kita ra'io kelian en témpo! Anaé, tumo'tol intarépé' sé tuama makapenanaano, musti méma' tanuoka kéndo' ra'ica wana penanaan.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.