1 Korintus 7:25 - En Taar Weru a nunuwu' é Tontemboan

²⁵ Intarépé' aku rumoma' andumoro' sé tou ra'ipé' icumawéng, mangala'un kuma'pa mangalitou. Andumoro' iséra itu, aku ra'- ica makéré perénta asi Casuruan owo. Taan aku si tou ro'na papercayan iow, ampa'paan si Casuruan tumuru'o ing kaupusan-Na a yaku, méé im bewerotku andumoro' iséra.

1 Korintus 7:25 ပူးပေါင်းရင်းမြစ်များ

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 4:2

Si kumataré-taré en tuntuten ai cita sé mengaselewir, kita musti le'tek a si tuang si méé in tawoien.

1 Korintus 7:10

A sé tou sé icumawéngo si anioo em peréntaku. (En ulitna ra'ica yaku iméé im perénta itu taan si Apo' Yesus.) Em perénta-Na itu tana'i: si wéwéné awéano penanaan ra'ica toro metané wo si tuama penanaanna.

1 Korintus 7:12

A sé tou walina yaku (ra'ica si Apo' Yesus) kumua: Sa awéan tuama maéman a si Kristus wo makapenanaan sé ra'ica maéman a si Kristus, wo si penanaanna itu masalé' menonou mewali-wali wo isia, si tuama itu ra'ica toro metané wo si penanaanna.

1 Korintus 7:28

Taan sa si tuama masalé' kumawéng, en itu ra'ica meséa'. Taniitu ka'i, sa si mangala'un masalé' kumawéng, en itu ra'ica meséa'. Taan sé tou icumawéngo, mendam oka ing keli kawenduan ang katouanna. Si icasalé'ku woo wosama' kamu ra'ica mamendam ing kawenduan itu.

1 Korintus 7:34

Eng kasiwakanna em pakawerotna imaruao. Wo sé wéwéné si ra'ica wana penanaan wo sé mangala'un, memerot-meroto mangé andumoro' si Casuruan, wééo mangé en owak wo e mu'kur torona si Casuruan wosama' le'nas an dior-Na. Taan se wéwéné awéano penanaan memero-meroto mangé andumoro' ing kayo'baan, tumambisa sia marui si penanaanna.

1 Korintus 7:40

Taan iciit im pakawerotku in esa, sia lébé arui sa sia ka'i ra'ica kawéngen. Wo pendamenku e Roh i Amang Kasuruan maakin yaku an tutuwku makua sé itu.

1 Korintus 7:6

Sé aicuaku anio' asalo sina'u ra'ica perénta.

2 Korintus 11:17

Ipatirayo-tirayoku sapa sé niéma'ku, wo sapa si aicuaku itu ra'ica airu'du' i Casuruan taan si aicuaku itu tanu ing kanaramen si pengakua i tou bodok e matirayo in owak in esa.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.