1 Korintus 7:2 - En Taar Weru a nunuwu' é Tontemboan

² taan ampa'paan sé tou taporak katawéran mengaéma' in cabul, aweso taré sé tuama makapenanaan esa wo sé wéwéné ka'i makapenanaan esa.

1 Korintus 7:2 ပူးပေါင်းရင်းမြစ်များ

Matius 5:32

Taan icua-Ku mangé ai camu, sa si tuama cuméré si penanaanna wo kumawéng sumawel wo si wéwéné walina, si tuama itu mabersinao, aluar si penanaanna ang karapio é tuama walina. Wo si séike' eng kumawéng si wéwéné si aicéréna itu sia mabersinao.”

1 Korintus 6:18

Tumayango mangé i mengéma-ngema' in cabul! Eng kamesé-meséaan walina sé pengaémaan é tou, ra'ica wana eng kasiwakan an owakna. Taan si tou mengaéma' in cabul, sia méma'o ing kamesé-meséaan si awéan eng kasiwakan an owakna in esa.

1 Korintus 7:1

Poo-poowku, intarépé' aku rumoma' andumoro' sé winuéi iow a yaku an untep in surat si aicirim iow indior. Em binuéi iow tana'i, “Loor réén si esa tuama ra'ica kumawéng?” Sa iciit yaku en itu loor,

1 Korintus 7:3

Si tuama icumawéngo musti mengaéma' ing kewajipanna an ubungan éra tanu mempenanaan, taniitu ka'i si wéwéné icumawéngo sia musti méma' ing kewajipanna itu ang karapi i penanaanna.

1 Korintus 7:9

Taan sa séra ra'ica makawoo tumang ing kasalé'an in owak, aweso taré séra kumawéng. Ampa'paan lébé loor séra kumawéng wo taré ra'ica kumawéng taan en até éra pakakawasan ing kasalé'an in owak.

Efesus 5:28

Taniitu ka'i sé tuama icumawéngo musti mengaupus angé sé penanaan, meputé séra mengaupus in owak in esa.

Efesus 5:33

Wo mandé ka'i tumambisa sé tuama icumawéngo, si esa wo si esa musti mengaupus angé si penanaanna, meputé sia mengaupus in owakna. Taniitu ka'i sé wéwéné sé kinawéngo musti pengasiriin angé si penanaan.

1 Tesalonika 4:4

Kamu sé tuama, musti esake' wéwéné e mamuali penanaan iow. Wo menonou angé le'nas an dior i Casuruan wo kamu siriin oka é tou.

1 Timotius 4:3

Pengasusui éra a sé tou ra'ica toro kumawéng, wo ra'ica toro ka'i kuman sé piraan kakanen sé ra'ica toro kanen. En ulitna pakasa eng kakanen niéma'o i Amang Kasuruan ro'na kanen. Wo sé tou maéman sé makaileko in sususuien wutul, sa séra kuman, kumua owo mangé makapulu'sama' a si Amang Kasuruan wo ro'nao kuman.