1 Korintus 7:15 - En Taar Weru a nunuwu' é Tontemboan

¹⁵ Taan sa si tuama kuma'pa wéwéné si ra'ica maéman itu masalé'o metané wo si penanaanna, iwayao mio' metané. Asi soal anio', si wéwéné kuma'pa si tuama maémano, ra'io wina'kes in janji ing kawéng esa wo sé walina. Kamu tinowa i Amang Kasuruan e menonou ang kaeluran.

1 Korintus 7:15 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Lukas 9:39

An tutuw si sétang rumasuk ai sia, tumarépé'anke' sia mengangko-ngangko' wo en owakna ipawali-walintuang i sétang wo em ba'ba'na ka'i mengalewa'. Si sétang itu ra'ica mento' mengoko-ngokoi sia wo ra'ica kiim kumesot an owak i toyaangku itu.

Roma 12:18

Sa woo ro'na, rumaméjio mangé kamu menonou elur ang karapi é pakasa sé tou.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

1 Korintus 14:33

Ampa'paan si Amang Kasuruan ra'ica masalé' ing kalicokoan, taan en icasalé'-Na kaeluran.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Yakobus 2:15

En tuusna tana'i: Awéan poow iow tuama kuma'pa wéwéné ra'ica wana karai kuma'pa ra'ica awes eng kakanen susur in endo.