1 Korintus 6:7 - En Taar Weru a nunuwu' é Tontemboan

⁷ Awéanke' kaperéndéran an uner iow tou maéman, en itu tumuru' icamu meséa'o. Sa awéan tou e méma' ra'ica adil ai camu, aweso taré iwayao mio' sia méma' in taniitu kuma'pa icamu e marugi.

1 Korintus 6:7 ပူးပေါင်းရင်းမြစ်များ

Lukas 19:8

An tutuw i Yesus am balé i Zakheus wo sia tumulung wo kumua a si Apo' Yesus, “Tuang! Sangaperua ing kasiyaanku, iwééku oka a sé tou lengéi. Wo si séike' mangé si sumangkumo niuwak wo niindoanku in doit, iwaréngku oka sumawel ai sia makaepat lumepet!”

Lukas 6:29

Sa awéan tou sumepé' in amo kakan iow, iwééo mio' ka'i en amo ka'biri miow sepéénna. Sa awéan e mindo in jubamu, iwayao mio' ka'i indonna eng karaimu.

1 Tesalonika 5:15

Wéanio' rékén, oréoka awéan si tou mengasuli' in léwo' a sé tou mengaéma' in léwo'. Taan musti rumaméji mangé kamu mengaéma' in loor a sé kara-karapi miow in esa wo ka'i a sé tou walina.

1 Petrus 3:9

Wo tioo sé léwo' suliin iow in léwo', kuma'pa ipawa'ba' é tou suliin iow ka'i i mengawa'ba'. Mekiupuso mangé a si Amang Kasuruan wosama' séra wéan-Na mai ing kamang, ampa'paan kamu tinowa i Amang Kasuruan e méé ing kamang a sé tou walina wo in taniitu kamu ka'i makéré ing kamang.