1 Korintus 6:6 - En Taar Weru a nunuwu' é Tontemboan

⁶ Taan kamu é tou maéman, an tutuw awéan kaperéndéran ai camu, ra'ica niurus iow in esa eng kaperéndéran itu taan taré aipapaurus iow am pengadilan a si akim si ra'ica esa paémanen.

1 Korintus 6:6 ပူးပေါင်းရင်းမြစ်များ

Kisah Para Rasul 7:26

Mando mai, si Musa suméré awéan rua tou Israel mapetokol. Wo raméjinna méma' séra meeluran sumawel, icuana, ‘Éi! Kéitu réén kamu in dua mapetokol? Ra'ica réén mepoow kamu in dua?’

1 Korintus 6:1

Poo-poowku, sa an uner iow awéan kaperéndéran, kéitu réén kamu brani mangé mapaurus ing kaperéndéran iow a si akim si ra'ica maéman a si Amang Kasuruan? Kéitu réén eng kaperéndéran itu ra'ica ipapaurus iow a sé tou le'nas?

1 Korintus 6:7

Awéanke' kaperéndéran an uner iow tou maéman, en itu tumuru' icamu meséa'o. Sa awéan tou e méma' ra'ica adil ai camu, aweso taré iwayao mio' sia méma' in taniitu kuma'pa icamu e marugi.

2 Korintus 6:14

Tioo mengaesa wo sé tou sé ra'ica maéman a si Kristus; en itu ra'ica patus. Ampa'paan en sususuien wutul ra'ica kawisa meesa wo ing kaléwo'an! Wo ra'ipé' wana mako en sendot meesa wo i riréimbeng.

2 Korintus 6:15

Si Kristus ra'ica kawisa meesa wo si kikiiten é sétang. Awéan réén em puténa sé tou maéman a si Kristus wo sé tou ra'ica maéman a si Kristus?

1 Timotius 5:8

Ampa'paan sa awéan tou ra'ica kiim murus sé poo-poowna wopé'ka'i kapoownapé' in esa, sia itu isumangkalo im paémanenna a si Yesus. Si tou itu lumébémai eng kaléwo' wo sé tou sé ra'ica maéman a si Casuruan.