1 Korintus 6:5 - En Taar Weru a nunuwu' é Tontemboan

⁵ Awéan esa em buéienku ai camu e méma' icamu malawi': Ra'ica réén wana tou mandé esake' ai camu si awéan kapinteran e ro'na murus ing kaperéndéran é poo-poowna esa paémanen?

1 Korintus 6:5 ပူးပေါင်းရင်းမြစ်များ

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

1 Korintus 11:14

Sa sé tuama makawuuk lambot, eng kanaramen ipakuata ra'ica patus a sé tuama.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 4:14

Aipaticku en anio' ai camu, taan ra'ica kiimku mapalawi' icamu. Aipaticku en anio' asaloke' sumina'u ai camu ampa'paan kamu caupusku, tanu toya-toyaangku in esa.

1 Korintus 6:1

Poo-poowku, sa an uner iow awéan kaperéndéran, kéitu réén kamu brani mangé mapaurus ing kaperéndéran iow a si akim si ra'ica maéman a si Amang Kasuruan? Kéitu réén eng kaperéndéran itu ra'ica ipapaurus iow a sé tou le'nas?

1 Korintus 6:4

Anaé, sa awéan kaperéndéran an uner iow tou maéman, kamu in esa e murus ing kaperéndéran itu, ra'ica toro paalin iow a si akim si ra'ica esa paémanen si tou ra'ica pasiriin an jamaat.

Yakobus 1:5

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.