1 Korintus 6:13 - En Taar Weru a nunuwu' é Tontemboan

¹³ Awéan ka'i makua, “Eng kakanen torona im poot wo em poot torona ing kakanen,” rua-rua itu terin oka i Amang Kasuruan. Si aicua miow itu wutul. Taan mandé ka'i en owak é tou terin oka, ra'ica toro pakén iow en owak e méma' in cabul. Taan pakéno en owakta asaloke' in sumelewir a si Amang Kasuruan, ampa'paan en owakta piniara-Na.

1 Korintus 6:13 ပူးပေါင်းရင်းမြစ်များ

Matius 15:17

Ra'ica réén kailekan iow sapaoka pakasa sé imuntep am ba'ba' tumumpa am poot wo itiya' ang kakus?

Matius 15:20

Sé ituo waya sé numajis in tou. Taan sa tou kuman wo ra'ica mu'as ing kama ra'ica iméma' sé tou manajis.”

Markus 7:19

ampa'paan sé muntep itu ra'ica muntep an até taan muntepke' an tina'ina, wo tiya' ka'i ang kakus?” Wo in taniitu, icua i Yesus ka'i sapaoka pakasa eng kakanen ro'na kanen.

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 6:49

Sé apo-apo' miow icumano i manna an tana' kapayasan taan séra imatéo waya.

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Roma 6:12

Anaé, tioo iwaya en owak iow si ro'na maté itu, kawasané' ing kamesé-meséaan, wosama' kamu ra'ica kumiit ing kasalé'an in owak sé léwo'.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

1 Korintus 3:16

Ra'ipé' réén kailekan iow sapaoka kamu itu tanu Walé i Amang Kasuruan wo e Roh i Amang Kasuruan makaento' ai camu?

1 Korintus 6:15

Ra'ipé' réén kailekan iow sapaoka en owak iow anggota in owak i Kristus? Ro'na réén en owakta si mamualio anggota in owak i Kristus wo indon mamuali anggota in owak i wéwéné sundal? Tantu ra'ica toro.

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

2 Korintus 11:2

Kamu icae'bowku tanuoka si Amang Kasuruan manganat icamu. Kamu tanuoka si esa mangala'un si ra'ipé' sumangkum ako tumekel ang karapi i tuama, si aijanjikuo icawéng wo si esa tuama, siao si Kristus.

2 Korintus 5:15

Si Kristus imaté torona im pakasa é tou wosama' séra menonou, ra'io ka'i menonou torona in owakna in esa, taan torona si Kristus si imatéo wo tinou sumawel torona éra.

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Efesus 5:23

Ampa'paan si tuama icumawéngo mamuali kapala i wéwéné kinawéngna, wo puté si Kristus mamuali kapala é jamaat. Siao en lumowir sé jamaat, si mamuali owak-Na.