1 Korintus 6:12 - En Taar Weru a nunuwu' é Tontemboan

¹² Awéan tou an uner iow makua, “Sapa-sapake' ro'na émaanku.” Taan sa aku, ra'ica pakasa sé pengaémaan é tou awéan torona. Anaé, mandé ka'i aku ro'na méma' in sapake' mangé, taan ra'ica kiimku en owakku kawasan in sapake' mangé itu.

1 Korintus 6:12 ပူးပေါင်းရင်းမြစ်များ

Yohanes 5:10

Ampa'paan in ituo, sé kikiiten é agama Yahudi kumua a si tou si makasama'pé' itu, “Si endo anio' endo Sabat. Sa kumiit in atoran é agama Yahudi, ico ra'ica toro mangkai in tepému.”

Roma 7:14

Kailekanta sapaoka en ukum Torat itu asi Roh i Amang Kasuruan owo, taan aku anio' tou makiité' ing kasalé'an in owakku in esa. Yaku mamualio ata ing kamesé-meséaan.

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

1 Korintus 9:12

Sa sé tou walina masusui in Taar i Casuruan ai camu wo séra awéan hak e makéré sé paperlun éra susur in endo ai camu, tantu icamipé' en lébé awéan hak wo iséra. Taan ra'ica kiim ami maké in hak itu. Aweso taré tanggongen ami in esa eng kawenduan ami, wosama' kami ra'ica sumémpér sé tou en tumerima in Abar Kaaruien andumoro' i Yesus Kristus.

1 Korintus 9:27

Pelati-latinku wo kawasanku pakasa en owakku eng kumiit ing kasalé'an i Casuruan. Yaku méma' tanu siitu, wosama' aku ra'ica kaputé wo sé tou aicélong i Amang Kasuruan, taan aku makéré laasa kumawusai aku makua in Abar Kaaruien andumoro' i Yesus Kristus a sé tou.

2 Tesalonika 3:9

Émaan ami en itu ra'ica ampa'paan kami ra'ica wana hak en tulungen é jamaat. Taan ra'ica kiim ami e maké in hak itu. Kami re'dem matawoi in taniitu ampa'paan kami masalé' mamuali paandéan wosama' kiiten iow.

Yudas 1:12

An tutuw iow iméma' im pésta ing kuman en tuma'néi ing kaupusan i Amang Kasuruan, sé tou itu mapalawi-lawi'ke' taré. Em pakakan éra longi' wo asaloke' mengawerot ing katoronaan in owak in esa. Séra tanu in seringa am pésta miow. Séra tanuoka ing kambung pera ipawali-wali in deges taan ra'ica méé mai in uran. Séra ka'i tanuoka sé tuura ing kayu sé ra'ica mengawua' an orasna i mua', sé tuura itu makémbut ang karapi in a'mu-a'mutna wo makape'de-pe'del.