1 Korintus 6:10 - En Taar Weru a nunuwu' é Tontemboan

¹⁰ sé tou rombit, sé tou rakus, sé tou lalangun, sé tou mengawuruk i ngaran é tou walina wo sé tou mengauwak, sé tou tanu siitu ra'ica mamuali tou i Amang Kasuruan ang Kakolanoan-Na.

1 Korintus 6:10 ပူးပေါင်းရင်းမြစ်များ

Matius 21:19

Wo an tembir in lalan sérén-Na awéan tuur in ara. Wo rurun-Na mangé e mengat im bua'na in ara itu, taan ra'ica kinéréan-Na, aluar in lalainake'. Wo icua-Na a si tuur itu, “Ico ra'io kawisa mua' akar ing kauré-uré!” Wo asi témpo ituke' en tuur in ara itu makala'us mapera.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Matius 23:33

Éi camu tou léwo', eng kaléwo' miow meputé wo si ula' rumacu-racung, ampa'paan kamu taranak é tou léwo'. Tumambisa kamu ro'na icawekar an ukuman in api ra'ica mape'de-pe'del akar ing kauré-uré?

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Kisah Para Rasul 20:32

Intarépé', isarakanku kamu a si Amang Kasuruan wosama' kamu téiran-Na. Wo musti ka'i pena'né-na'néien iow en Abar Kaaruien andumoro' in upus tatambér-Na ai camu. En abar itu e méé ing kaketeran am paémanen iow wo ka'i si méé oka ing kamang si aijanji-Nao iwéé a sé pakasa sé tou si niéma'-Nao le'nas.

1 Korintus 15:50

Poo-poow, em peangé-angénku tana'i: en owakta intarépé' niéma' an enda wo an sama'na owo. Wo en owakta anio' sa, ra'- ica toro muntep ang kayo'baan weru i Amang Kasuruan. En owak si ro'na maté tanu si anio' ra'io ka'i pakénta ampa'paan a mangé mbitu ra'io wana ka'i e maté.

1 Korintus 5:11

Em paangé-angénku, tioo mengakarapi wo sé tou sé mengakua sapaoka sia itu poowta an esa paémanen taan em pengaémaanna cabul, rakus, mengaapo' a sé opo-opo', mengawuruk i ngaran é tou walina, lalangun kuma'pa mengauwak. Kumanke' mako mewali-wali wo sia ra'ica toro.

Galatia 5:21

kokanat, malangu-langu, wo pésta ing kuman wo mengele-ngelep sé pakalangun wo pakasa sé léwo'. Andumoro' in itu aicuakuo indior, wo intarépé' ita'néiku sumawel: Sé tou menonou tanu siitu ra'ica makéré im bagéan ang Kakolanoan i Amang Kasuruan.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

Efesus 5:5

Wéan iow rékén sumama-sama': sé tou mengabersina, sé mengéma-ngéma' sé karican kuma'pa masalé-salé'ke' in anu é tou walina, sé tou longi' am baya-waya si ro'na i peputé wo sé mengaapo' a sé opo-opo'. Sé tou tanu siitu ra'ica kawisa makéré im bagéan ang Kakolanoan i Yesus Kristus wo si Amang Kasuruan.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

1 Petrus 4:15

Tioo awéan esaan ai camu si musti okoien ampa'paan mapaté tou, marombit, maéma' in léwo' kuma'pa marambét in urusan é tou walina.