1 Korintus 6:1 - En Taar Weru a nunuwu' é Tontemboan

¹ Poo-poowku, sa an uner iow awéan kaperéndéran, kéitu réén kamu brani mangé mapaurus ing kaperéndéran iow a si akim si ra'ica maéman a si Amang Kasuruan? Kéitu réén eng kaperéndéran itu ra'ica ipapaurus iow a sé tou le'nas?

1 Korintus 6:1 ပူးပေါင်းရင်းမြစ်များ

Matius 5:45

Sa émaan iow taniitu, kamu mamuali toya-toyaang i Amang iow an sorga, si mantangai si yéndo a sé tou léwo' wo a sé tou sama' wo mawéé mai in uran a sé tou sé maéma' im butul wo a sé tou sé ra'ica mengaéma' im butul.

Kisah Para Rasul 19:38

Anaé, sa si Demetrius wo sé mengatawoi ai sia awéan ipatudu a si séike' mangé, lébé loor paalin éra en itu am pangadilan kuma'pa a si gubernur. A mangé mbitu ro'na icua éra em ipatudu itu.

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 14:33

Ampa'paan si Amang Kasuruan ra'ica masalé' ing kalicokoan, taan en icasalé'-Na kaeluran.

1 Korintus 16:1

Intarépé', en icuaku andumoro' in doit pali'usen si casalé' miow iwéé a sé tou le'nas an Yerusalem. Icasalé'ku wosama' kamu kumiit sapa sé aituru'kuo a sé jamaat ang Galatia.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

1 Korintus 5:12

En ulitna ra'ica tawoienku mengaakim sé tou sé ra'ica makatuus si Amang Kasuruan. Taan sa sé tou an jamaat mengaéma' ing kaséaan, kamu in esao e makim iséra.

1 Korintus 6:5

Awéan esa em buéienku ai camu e méma' icamu malawi': Ra'ica réén wana tou mandé esake' ai camu si awéan kapinteran e ro'na murus ing kaperéndéran é poo-poowna esa paémanen?