1 Korintus 5:5 - En Taar Weru a nunuwu' é Tontemboan

⁵ Isarakano miow si tou itu ang kakawasaan i kikiiten é sétang. Wo in taniitu pendamenna oka eng kawenduan akar sia mape'dis wo em peri léwo'na maka'pu. Anaé, e mu'kurna ro'na malowir asi endo si Casuruan mai makim waya sé tou.

1 Korintus 5:5 ပူးပေါင်းရင်းမြစ်များ

Matius 4:10

Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”

Lukas 22:31

Wo icua i Yesus a si Simon Petrus, “Simon, Simon, wéanmu rékén sumama-sama'! Si kikiiten é sétang imakéréo kaloasan asi Amang Kasuruan e mangepé' ai camu im baya, akar catané a Yaku. Si kikiiten é sétang itu tanu si menganguma tumaap im béné' en tumané im béné' loor wo sé wéné' pesel.

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

1 Korintus 11:32

Taan sa kita ukumen i Amang Kasuruan, em peangé-angénna en sumusui ai cita e méma' im butul, wosama' kita ra'ica makéré in ukuman akar ing kauré-uré an tutuw Sia mukum sé tou ang kayo'baan sé ra'ica makatuus Sia.

1 Korintus 5:13

Si Amang Kasuruan in esao e makim sé tou ra'ica maéman. Aipatic ang Kitap Le'nas tana'i, “Yuséro mangé sé tou mangaéma' in léwo' an uner iow!”

2 Korintus 10:6

Wo sa kamu wutu-wutulo le'tek a si Kristus, kami tu'tul mukum pakasa in tou sé ra'ica le'tek a si Kristus.

2 Korintus 12:7

Taan wosama' aku ra'ica talos tumirayo ampa'paan pinapaturu'an ing kakaya'kaan itu, anaé an owakku winéan esa tutuné. En itu aiwéé i kikiiten é sétang e méma' aku mawendu wosama' ra'ica tumirayo.

2 Korintus 13:10

Ampa'paan in ituo aipaticku en surat anio' an tutuw aku ra'ipé' an uner iow. Wo in taniitu sa aku maai sa, ra'io sangali repetanku en tumindak icamu ang karapi imaké ing kawasa aiwéé i Amang Kasuruan a yaku. Eng kawasa itu aiwéé a yaku e méé ing kaincayaan am paémanen iow, ra'ica in tumeri.

Filipi 1:6

Si Amang Kasuruan in esao en tumo'tol in tawoien loor itu an uner iow, anaé wutu-wutul percayanku ilala'us-Na oka en tawoien anio' akar asi endo i Kristus Yesus maai sumawel.

1 Timotius 1:20

An uner éra awéan si Himeneus wo si Aleksander. Séra in dua itu aisarakankuo a si kikiiten é sétang. Niéma'ku in taniitu wosama' séra mape'dis e maojat i ngaran i Amang Kasuruan.

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

2 Petrus 3:12

Wo ang karoro'an iow mengento-ngento' in endo itu, musti pengéma-ngémaan iow sé icasalé'-Na wosama' si endo itu maayo mario-rior. Asi endo itu en langit makatunu-tunu wo pakasa sé an langit rumano ampa'paan ing kapaso' in api.

1 Yohanes 5:16

Sa awéan tou isuméré si poowna mengaéma' ing kamesé-meséaan, wo eng kamesé-meséaan itu ra'ica imakawali si poowna itu am papaté, si tou isuméré in itu musti sumombayang angé a si Amang Kasuruan wosama' si poow itu wéan-Na katouan akar ing kauré-uré. Taan awéan kamesé-meséaan imakawali si tou am papaté. Wo andumoro' si tou mengaéma' ing kamesé-meséaan tanu siitu, ra'ica icuaku sapaoka kita musti sumombayang torona i tou itu.