1 Korintus 5:3 - En Taar Weru a nunuwu' é Tontemboan

³ Mandé ka'i aku mentayangan wo icamu taan en atéku ang karapi miow. Yaku ka'i mééo ukuman a si tou si méma'o ing kaléwo'- an itu, tanuoka kéndo' aku an uner iow.

1 Korintus 5:3 ပူးပေါင်းရင်းမြစ်များ

1 Korintus 5:12

En ulitna ra'ica tawoienku mengaakim sé tou sé ra'ica makatuus si Amang Kasuruan. Taan sa sé tou an jamaat mengaéma' ing kaséaan, kamu in esao e makim iséra.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 10:11

Anaé, wayao mio' sé tou manuwu' tanu siitu makailek in tou sapaoka em pengaémaan ami kasake' meputé tanu si aipatic ami an surat si binaca miow. Sérén oka miow an tutuw ami maai ai camu.

2 Korintus 13:2

Asi keaiku kumarua, isumangkumo ta'néiku a sé tou sé iméma'o ing kamesé-meséaan wo ka'i a sé tou walina wosama' mentoo mio' mengéma-ngéma' ing kameséaan. Wo intarépé', ang karoro'an aku mentayangan wo icamu, ta'néiku sumawel sapaoka sa aku maai sa, repetanku oka en tumindak sé pakasa in tou sé mengéma-ngéma'pé' ing kamesé-meséaan.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

1 Tesalonika 2:17

Poo-poow, kita metané ra'ica uré. Mandé kita ka'i mentayangan, taan en atéta mentawian. Kami uli-ulit lumeloo icamu wo rumaméjio meta'up wo icamu.