1 Korintus 5:1 - En Taar Weru a nunuwu' é Tontemboan

¹ Poo-poow, awéan sé tou mai cumua a yaku sapaoka awéan tou an jamaat iow manaramo mengaéma' in cabul. Si tuama itu mengacabul ang karapi i penanaan i amangna karua. Sédangkan taré si tou ra'ica maéman a si Amang Kasuruan ra'- ica mengaéma' tanu siitu.

1 Korintus 5:1 ပူးပေါင်းရင်းမြစ်များ

Kisah Para Rasul 15:20

Taan, lébé loor sa ipaticta surat wo iwéé ai séra, wosama' séra ra'ica toro kuman ing kakanen najis sé ayumpero a sé opo-opo', ra'ica toro kuman in sama'na é binatang sé pinaté ampa'paan kiniselan eng kolot, kuma'pa kuman in enda', wo ka'i ra'ica toro mengabersina.

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

1 Korintus 1:11

Poo-poowku, yaku kumua tanu siitu ampa'paan awéan sé tou am pamalé i Kloe cumua mai a yaku sapaoka an uner iow awéan sé meindo-indoan roma'.

1 Korintus 5:11

Em paangé-angénku, tioo mengakarapi wo sé tou sé mengakua sapaoka sia itu poowta an esa paémanen taan em pengaémaanna cabul, rakus, mengaapo' a sé opo-opo', mengawuruk i ngaran é tou walina, lalangun kuma'pa mengauwak. Kumanke' mako mewali-wali wo sia ra'ica toro.

1 Korintus 6:13

Awéan ka'i makua, “Eng kakanen torona im poot wo em poot torona ing kakanen,” rua-rua itu terin oka i Amang Kasuruan. Si aicua miow itu wutul. Taan mandé ka'i en owak é tou terin oka, ra'ica toro pakén iow en owak e méma' in cabul. Taan pakéno en owakta asaloke' in sumelewir a si Amang Kasuruan, ampa'paan en owakta piniara-Na.

1 Korintus 6:18

Tumayango mangé i mengéma-ngema' in cabul! Eng kamesé-meséaan walina sé pengaémaan é tou, ra'ica wana eng kasiwakan an owakna. Taan si tou mengaéma' in cabul, sia méma'o ing kamesé-meséaan si awéan eng kasiwakan an owakna in esa.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

2 Korintus 12:21

Em paindé-indé'ku an tutuwku maai sa, yaku iwawa' i Amang Kasuruan an dior iow wo aku mawendu ampa'paan kelian sé an uner iow indior sé mengaéma' ing kamesé-meséaan wo ra'ipé' mape'dis mengéma-ngéma' sé karican, mengabersina, wo mengaéma' ing kasalé'an in owak sé ra'ica wutul.

2 Korintus 2:5

Intarépé' icasalé'ku numuwu' andumoro si tou mengaéma' im bendu. Niéma'na em bendu itu ra'ica a yaku taan ai camu im baya kuma'pa a sé piraanke' ai camu. Icuaku ‘piraan ai camu’ am bia'i wosama' e nunuwu'ku ra'ica talos uter ai sia.

2 Korintus 7:12

Anaé, mandé ka'i aipatickuo en surat itu, ipaticku ra'ica ampa'paan i tou meséa'. Ra'ica ka'i ampa'paan i tou mawendu ampa'paano ing kaséaan itu. Ipaticku en surat itu wosama' an dior i Amang Kasuruan, pendamen iow in esa sapaoka kamu uli-ulit meméé-méé rékén ai cami.

Galatia 5:19

Sé tou makiit ing kasalé'an in owak kaséréan asé im paémaan éra, tanu mai: mengabersina, mengaéma' sé karican, mengaéma' ing kasalé'an in owak sé ra'ica wutul,

Efesus 5:3

Tioo kamu kawera-werake' in cabul, mengéma-ngéma' sé karican oka mai, kuma'pa masalé-salé'ke' in anu é tou walina. Ipepaarke' ka'i en itu ra'ica toro, ampa'paan ra'ica patus émaan é tou le'nas.

Kolose 3:5

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

1 Tesalonika 4:7

Kita tinowao i Amang Kasuruan e menonou ang kale'nasan wo ra'ica mengaéma' in andumoro' sé cabul sé karican oka mai.

Wahyu 2:21

Winéan-Kuo témpo si wéwéné itu e mape'dis, taan ra'ica yento'na mengéma-ngéma' sé andumoro' in cabul.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”