1 Korintus 4:9 - En Taar Weru a nunuwu' é Tontemboan

⁹ Iciit yaku, kami sé ruru'du'an i Yesus, niéma'o i Amang Kasuruan mamuali tou ra'ica pengasiriin, kami tanuoka tou sé pinusé'o in ukumen patén an dior é tou keli wo pakasérén é tou ang kayo'baan wo sé malaékat.

1 Korintus 4:9 ပူးပေါင်းရင်းမြစ်များ

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 19:31

Am bitu, awéan ka'i piraan pejabat Asia sé mekarapi sama' wo si Paulus. Ru'du' éra tou e mangé mekiupus a si Paulus wosama' sia tioo muntep an stadion itu.

Roma 8:36

Tanu sé aipatic ang Kitap Le'nas in tana'i: “Ampa'paano Ico, susur in endo kami mengasaru im papaté, kami pengaémaan tanu sé domba im pokoleno.”

1 Korintus 15:19

Sa em paarapenta a si Kristus makarke' a si katouanta ang kayo'baan anio', kitao sé tou sumoé-soé asé pakasa in tou asi cayo'baan anio'.

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 6:9

En ulitna kami anio' katuusan é keli tou taan sé walina mawerot ra'ica katuusan éra. Kami misi oka imaté, taan kami menonoué'. Mandé kami niokoi, taan kami ra'ica pinaté.

1 Tesalonika 3:3

Wo in taniitu, mandé ka'i kamu niokoio, kamu kasake' maéman a si Yesus. Ampa'paan kailekano miow in esa sa sé tou maéman a si Yesus musti meta'up ing kawenduan.

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

Ibrani 10:33

Makakeli-keli kamu i paroros wo paokoien an dior é tou keli. Wo makakeli-keli ka'i kamu kumiit mendam ing kawenduan ang karapi é poo-poow an esa paémanen.

Ibrani 11:36

Awéan ka'i sé tou ipaséro' wo papasuten, wina'kes i ranté wo pakabuin.