1 Korintus 4:21 - En Taar Weru a nunuwu' é Tontemboan

²¹ Anaé, si wisa en sisiren iow? Yaku mai sumusui ai camu maké in sambok? Kuma'pa aku mai ai camu ang karapi ing kaupusan wo ang karapi ing ko'kos en até?

1 Korintus 4:21 ပူးပေါင်းရင်းမြစ်များ

1 Korintus 4:18

Awéan piraan tou ai camu an jamaat Korintus imatirayoo ampa'paan paweroten éra aku ra'io maai sumawel ai camu.

1 Korintus 5:5

Isarakano miow si tou itu ang kakawasaan i kikiiten é sétang. Wo in taniitu pendamenna oka eng kawenduan akar sia mape'dis wo em peri léwo'na maka'pu. Anaé, e mu'kurna ro'na malowir asi endo si Casuruan mai makim waya sé tou.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 10:6

Wo sa kamu wutu-wutulo le'tek a si Kristus, kami tu'tul mukum pakasa in tou sé ra'ica le'tek a si Kristus.

2 Korintus 10:8

Ra'ica malawi' aku sa talosoo matirayo ing kawasa si aiwééo i Amang Kasuruan ai cami. Ampa'paan eng kawasa itu aiwéé i Amang Kasuruan e méé ing kaketeran am paémanen iow, ra'ica in tumeri im paémanen iow.

2 Korintus 12:18

Airu'du'kuo si Titus mai ai camu, wo rumu'du' si poow esa am paémanen walina mangé mewali-wali wo isia. Mindo réén ing kauntungan si Titus ai camu? Em perina wo em periku meputé wo taniitu ka'i em pakatawoi.

2 Korintus 13:10

Ampa'paan in ituo aipaticku en surat anio' an tutuw aku ra'ipé' an uner iow. Wo in taniitu sa aku maai sa, ra'io sangali repetanku en tumindak icamu ang karapi imaké ing kawasa aiwéé i Amang Kasuruan a yaku. Eng kawasa itu aiwéé a yaku e méé ing kaincayaan am paémanen iow, ra'ica in tumeri.

2 Korintus 13:2

Asi keaiku kumarua, isumangkumo ta'néiku a sé tou sé iméma'o ing kamesé-meséaan wo ka'i a sé tou walina wosama' mentoo mio' mengéma-ngéma' ing kameséaan. Wo intarépé', ang karoro'an aku mentayangan wo icamu, ta'néiku sumawel sapaoka sa aku maai sa, repetanku oka en tumindak sé pakasa in tou sé mengéma-ngéma'pé' ing kamesé-meséaan.

2 Korintus 2:1

Anaé, pinusé'kuo an até, yaku ra'io maréng angé ai camu sa asalo iméma' in até miow mawendu.

2 Korintus 2:3

An tutuw aku matic in suratku indior, kamu rinomaanku. Wo in taniitu sa aku maai sumawel ai camu ang Korintus, yaku ra'ica mawendu. Icamuo e musti maarui yaku. Ampa'paan percayanku sapaoka sa aku arui kamu ka'i arui.

2 Korintus 3:10

Ro'na icuata sapaoka eng kasendotan indior, ra'io talos sendot ampa'paan ing kasendotan intarépé'.

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

1 Tesalonika 2:7

Taan ituru'o ami eng kasama-samaan ami ai camu an tutuwta mewali-wali, tanu si inang maurus si toyaangna.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.