1 Korintus 4:2 - En Taar Weru a nunuwu' é Tontemboan

² Si kumataré-taré en tuntuten ai cita sé mengaselewir, kita musti le'tek a si tuang si méé in tawoien.

1 Korintus 4:2 ပူးပေါင်းရင်းမြစ်များ

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 25:23

Wo icua i tuangna, ‘Loor ulit e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' in tawoien teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

1 Korintus 4:1

Poo-poow, anggapeno mai kami tou sé matawoi maselewirke' a si Kristus, sé tinokéan makua in abar andumoro' im pawasa-wasan i Amang Kasuruan en lumowir sé tou. Em pawasa-wa- san itu ra'ipé' kailekan é tou walina.

1 Korintus 4:17

Ampa'paan in ituo yutusku mangé si Timotius ai camu ampa'paan sia itu niéma'kuo tanu toyaangku in esa wo icaupusku, sia ka'i le'tek a si Casuruan. Mangéna oka ita'néi sumawel ai camu andumoro' tambisa eng katouanku makiit a si Kristus Yesus. Eng katouanku itu ipenusu-nusuikuo a sé jamaat am pakasa in tampa.

1 Korintus 4:3

Taan aku ra'ica mamuali soal, sa aku akimen iow kuma'pa akimen é tou walina andumoro' im pakaselewirku. Yaku in esa ra'ica manilai im pakaselewirku.

1 Korintus 7:25

Intarépé' aku rumoma' andumoro' sé tou ra'ipé' icumawéng, mangala'un kuma'pa mangalitou. Andumoro' iséra itu, aku ra'- ica makéré perénta asi Casuruan owo. Taan aku si tou ro'na papercayan iow, ampa'paan si Casuruan tumuru'o ing kaupusan-Na a yaku, méé im bewerotku andumoro' iséra.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

Kolose 1:7

Pakasa en Abar Kaaruien andumoro' i Yesus Kristus itu, kinailekan iow asi Epafras owo si karapi ami maselewir si caupus ami. Sia le'tek mengaselewir asi Kristus torona ing kalooran iow.

Kolose 4:17

Wo icuao mangé a si Arkhipus, “Tawoieno mangé en tawoien si aiwéé mai i Casuruan ai co akar ing kumawus.”

Kolose 4:7

Pakasa en abar andumoro' yaku am bia'i, icua oka i Tikhikus ai camu. Sia poow si caupusta, ata le'tek si re'dem matawoi wo ka'i karapi ami e maselewir si Casuruan.