1 Korintus 4:15 - En Taar Weru a nunuwu' é Tontemboan

¹⁵ Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

1 Korintus 4:15 ပူးပေါင်းရင်းမြစ်များ

Roma 15:20

Icasalé'ku keli mangé kumua in Abar Kaaruien itu an tampa-tampa sé ra'ipé' kawisa luminga i ngaran-Na. Ampa'paan ra'ica icasalé'ku mangun in jamaat an tampa awéano jamaat sé winangun é tou walina, wosama' aku ra'ica tanu sé tou si tumoor im bangunan am bawo im pandasi sé winanguno é tou walina.

1 Korintus 1:30

Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

1 Korintus 15:1

Poo-poow, intarépé' casalé'ku en tuma'néi sumawel ai camu en Abar Kaaruien andumoro' i Yesus Kristus si aicuakuo indior ai camu. En Abar Kaaruien itu tinerimao miow wo akar intarépé' pakatimboiané' miow.

1 Korintus 3:10

Si Amang Kasuruan tumambéro mai in upus-Na a yaku akar aku si tou e makailek wutul im bangunan tumuliro im pandasi enté', wo sé tou walina mawangun am bawo im pandasi itu. Taan si esa wo si esa tou musti méé rékén sumama-sama' tumambisa sia mangun am bawo im pandasi patuuran itu.

1 Korintus 3:6

Yaku Paulus musew in lulumbo, si Apolos inumaam, taan si Amang Kasuruan in esa e méma' mai in tinanem itu tumou.

1 Korintus 3:8

Si tou musew wo si numaam, em paawo- awon éra meputé. Séra wéan oka i Amang Kasuruan laasa kumiit in tinawoi éra esa wo si esa.

1 Korintus 9:12

Sa sé tou walina masusui in Taar i Casuruan ai camu wo séra awéan hak e makéré sé paperlun éra susur in endo ai camu, tantu icamipé' en lébé awéan hak wo iséra. Taan ra'ica kiim ami maké in hak itu. Aweso taré tanggongen ami in esa eng kawenduan ami, wosama' kami ra'ica sumémpér sé tou en tumerima in Abar Kaaruien andumoro' i Yesus Kristus.

1 Korintus 9:14

Taniitu ka'i wo sé tou makua in Abar Kaaruien andumoro' i Yesus Kristus, séra aitantuo mai i Casuruan e musti makéré ing kaperluan éra susur in endo asé tou sé mengalinga in Abar Kaaruien itu.

1 Korintus 9:16

Sa aku makua in Abar Kaaruien i Amang Kasuruan, yaku ra'ica toro marayo in owak. En itu musti tawoienku, ampa'paan aku airu'du' i Amang Kasuruan. Icawangkur aku sa ra'ica ipakuaku en Abar Kaaruien andumoro' i Yesus Kristus itu.

1 Korintus 9:18

Anaé, sa taniitu sapa en laasa kéréanku? En laasa kéréanku anio': yaku makawoo kumua in Abar Kaaruien andumoro' i Yesus Kristus wo ra'ica wana e méé laasa, wo aku ra'ica maké in hakku e mangilek in laasa e mengakua in Abar Kaaruien itu.

1 Korintus 9:23

Niéma'ku en owakku tanu siitu wosama' mengeli-ngeli sé tou maéman in Abar Kaaruien andumoro' i Kristus. Asi Abar Kaaruien ituo aku ro'na makéré ing kamang asi Casuruan mewali-wali wo sé tou walina.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

Galatia 3:24

Anaé, en ukum Torat makaakin icita akar si Kristus maai. Wo kekawus i Kristus mai, kita ro'na nianggap wutul an dior i Amang Kasuruan ampa'paan maéman a si Kristus.

Galatia 3:25

Intarépé' si Kristus itu imayo wo kita ro'nao maéman ai Sia, ampa'paano in itu kita ra'io ka'i pakaakinen in ukum Torat.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

2 Timotius 4:3

Émaanmu waya en itu, ampa'paan asi esa endo mengangai sa, sé tou ra'io kiim luminga in sususuien wutul itu. Taan taré towan éra sé guru sé icasalé' éra e marui in até éra ang karapi i nunuwuun manam pengalingan.

Titus 1:4

Éi Titus, ico nianggapkuo toyaangku in esa, ampa'paan kita in dua puté maéman a si Kristus Yesus. Pekiupusenku a si Amang Kasuruan wo si Kristus Yesus Lumolowirta tumambérai in upus wo ing kaeluran ai co.

Filemon 1:19

Yaku Paulus, kamakuo in esa e matic in anio': “Yaku oka en tumu'bus pakasa in utang i Onesimus.” Wo ra'io sangali ita'néiku sapaoka ko awéan utang a yaku e makawali ico makéré ing katouan weru an tutuw ko mamualio tou maéman.

Yakobus 1:18

Kita niéma'-Na mamuali toya-toyaang-Na ang karapi in Taar wutul kumiit ing kasalé'an-Na. En itu icasalé'-Na wosama' kita mamuali wuéna kataré-taré asé im pakasa sé niéma'-Na.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.