1 Korintus 4:10 - En Taar Weru a nunuwu' é Tontemboan

¹⁰ Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 4:10 ပူးပေါင်းရင်းမြစ်များ

Matius 24:9

An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku.

Matius 5:11

Pakakamangen kamu, sa ampa'paan Yaku kamu ipaséro', paokoien wo patudun am pakasa in léwo'.

Lukas 10:16

Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”

Lukas 18:9

Wo icua i Yesus ka'i en andéan anio' a sé tou sé maanggap in owak éra wutul wo maepeske' im beren a sé tou walina. Icua-Na,

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 17:32

An tutuw iluminga sapaoka sé tou imatéo ro'na touen sumawel wo sia aiséro'ke' é piraan tou ai séra. Taan sé walina makua, “Kawisa oka mangé lingan ami en aicuamu tarépé'.”

Kisah Para Rasul 26:24

Ang karoro'an i Paulus mabéla in owakna, wo positen i Festus i rumoma' ang kerapi in depet, “Ra'io lekep ko é Paulus! Ico keliano eng kailekan, akar em ipakawerotmu ra'io wutul.”

Kisah Para Rasul 9:16

Ituru'-Ku oka ai sia sapaoka sia meta'up oka ing keli kawenduan ampa'paan kumiit Yaku.”

1 Korintus 1:21

Ampa'paan mandé tambisa eng kapinteran é tou ang kayo'baan, ra'ica makawoo makatuus si Amang Kasuruan sa asalo maké ing kapinteran in esa. Taan ampa'paan ing kapinteran i Amang Kasuruan, pinusé'-Nao en lumowir sé tou maéman ai Sia kumiit in abar ipakua-kua ami. En abar itu, paanggapen é tou ra'ica maéman a si Yesus, abar ra'ica wana torona.

1 Korintus 1:23

Taan kami anio' asalo makua in abar andumoro' i Kristus si maté ang kayu salip. En abar andumoro' i Kristus itu, asaloke' mamuali watu pasangkilan a sé tou Yahudi, akar séra ra'ica maéman a si Kristus. Wo sé tou ra'ica Yahudi, paweroten éra en abar itu abar ra'ica wana torona.

1 Korintus 1:25

Mandé sé niéma' i Amang Kasuruan itu paanggapen é tou ra'ica wana torona, taan sé niéma' i Amang Kasuruan itu en lébépé' pinter asé sapa sé paanggapen é tou itu. Wo mandé sé niéma' i Amang Kasuruan itu paweroten é tou ra'ica wana kawasa, taan sé niéma' i Amang Kasuruan itu en lébépé' wangko' eng kawasana wo sé ro'na émaan é tou.

1 Korintus 10:12

Ampa'paano in itu, si séi e mawerot em paémanenna ketero, sia musti mareti-reti wosama' sia ra'ica taporak méma' ing kamesé-meséaan.

1 Korintus 2:14

Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

1 Korintus 3:2

Indior kamu pawéanku susu ra'ica kakanen keté, ampa'paan kamu ra'ipé' makawoo tumerima in itu. Wo akar intarépé' ka'i kamu ra'ipé' makawoo tumerima ing kakanen keté itu,

1 Korintus 4:8

Paweroten iow kamu tanuoka sé makaanuo im pakasa ing kamang sé paperlun iow asi Amang Kasuruan. Paweroten iow kamu tanuoka sé imasiya'o am paémanen. Paweroten iow ka'i kamu mamualio kolano, taan kami ra'ica. Lébé loor woo sa kamu wutu-wutul mamualio kolano akar kami ro'na kumiit maperénta ang karapi miow.

2 Korintus 10:10

Ampa'paan awéan e makua “E nunuwu' i Paulus an surat-suratna repet keli wo uter, taan sa sia an unerta em perina ra'ica tanu si an surat wo e nunuwu'na ra'ica wana en torona.”

2 Korintus 11:19

Ampa'paan kamu talesen masaru sé tou bodok, kamu tumalosoo taré eng kapinter!

2 Korintus 11:29

Sa linganku awéan tou an jamaat ra'ica keter, yaku ka'i makapendam ra'ica keter. Sa linganku awéan tou icasangkil ang kamesé-meséaan, en atéku tanuoka makateri-teri ampa'paan im bendu.

2 Korintus 13:9

Arui kami sa kamu keter, mandé ka'i kami ra'ica keter. Isombayang ami wosama' kamu maréng sumawel menonou wutul.

2 Korintus 4:12

Anaé, penaru-narun ami em papaté, ampa'paan in itu icamu makéré ing katouan akar ing kauré-uré.

2 Korintus 6:8

Kami pasiriin, taan ka'i iparoro-roros; kami iparayo, taan ka'i ipawa'ba'-wa'ba'. Mandé ka'i kami mengasusui im butul, taan putudun mengauwak.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

1 Petrus 4:14

Pakakamangeno kamu, sa kamu iparoros é tou ampa'paan makiit si Kristus, ampa'paano e Roh i rarayo wo in sisiri'-Na ai camuo. Siituo si Roh i Amang Kasuruan.