1 Korintus 3:5 - En Taar Weru a nunuwu' é Tontemboan

⁵ Sa kumiit icamu, si séi réén si Apolos itu? Wo si séi réén si Paulus itu? Kami in dua asalo tou maselewir a si Amang Kasuruan. Kami sé makawalio icamu e maéman a si Kristus wo kami si esa wo si esa asalo maéma' in tawoien si airu'du' i Amang Kasuruan ai cami.

1 Korintus 3:5 ပူးပေါင်းရင်းမြစ်များ

Matius 25:15

Si esa tinokéanna lima talenta, wo si esa tinokéanna rua talenta wo si esa ka'i tinokéanna in esa talenta iciit ing kawooan éra in esa, wo sia maya' manangkéi.

Lukas 1:2

Aipatic éra waya en itu meputé wo sé aisisilo é tou sé isuméré in esa ing kamamualian itu tumo'tolai asi kataré-taré wo en Taar i Casuruan itu ipakua-kua éra ka'i a sé tou walina.

Yohanes 3:27

Isowat i Yohanes ai séra, “En tou ra'ica toro tumerima in sapa-sapa sa ra'ica aiwéé i Amang Kasuruan ai sia.

Kisah Para Rasul 18:24

Awéan esa tou Yahudi, makangaran Apolos. Sia tou Aleksandria. Sia icateka'pé' mai an Efesus wo sia pinter keli manuwu' wo makailek keli andumoro' ing Kitap Le'nas.

Kisah Para Rasul 19:1

An tutuw i Apolos ang Korintusé', si Paulus maya'o mangé an doo-roong an sangkum ing Galatia wo am Frigia wo icateka' an Efesus. Am bia'i, sia meta'up wo piraan tou sé maémano.

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

1 Korintus 12:28

An jamaat, awéan piraan tou sé aitantuo i Amang Kasuruan mamuali: kataré ruru'du'an, karua nabi, katelu guru. Wo ka'i winéanai kamang tatambér e maéma' sé kakaya'kaan, in sumama' sé tou, tumawang sé tou sé perlu tawangen, mamuali kikiiten wo ka'i maroma' a membam-balinaan nunuwu' i roh.

1 Korintus 16:12

Wo andumoro' i Apolos si poowta an esa paémanen, pinenguri-nguriku in lumesé' sia, wosama' sia mewali-wali wo sé poo-poow an esa paémanen walina mangé ai camu. Taan sia wutu-wutul ra'ipé' kiim mangé ai camu intarépé'. Taan sa awéano témpo sia maangé oka ai camu.

1 Korintus 3:10

Si Amang Kasuruan tumambéro mai in upus-Na a yaku akar aku si tou e makailek wutul im bangunan tumuliro im pandasi enté', wo sé tou walina mawangun am bawo im pandasi itu. Taan si esa wo si esa tou musti méé rékén sumama-sama' tumambisa sia mangun am bawo im pandasi patuuran itu.

1 Korintus 3:22

Yaku si Paulus, si Apolos wo si Petrus aiwéé i Amang Kasuruan ai camu. Aiwéé-Na ka'i ai camu eng kayo'baan, eng katouan wo em papaté, si endo anio' wo ka'i si endo maai sa, pakasa en itu torona miow.

1 Korintus 3:7

Anaé, ra'ica penting si tou musew kuma'pa si tou numaam, taan em penting am bia'i si Amang Kasuruan si méma' mai in tinanem itu tumou.

1 Korintus 9:17

Wo sa émaanku en tawoien makua in Abar Kaaruien andumoro' i Yesus Kristus asalo ampa'paan ing kasalé'anku in esa, yaku patus makéré laasa. Taan aku makua in Abar Kaaruien itu ampa'paan en itu musti émaan. Si Amang Kasuruan e méé in tawoien en émaanku.

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 3:3

Séra in esa oka en suméré sapaoka icamu tanu surat i Kristus si a itoké paalin ami. Wo en surat itu ra'ica aipatic in tinta, taan ang karapi i Roh i Amang Kasuruan si menonou; ra'ica ka'i am bawo im batu papatican taan an untep in até é tou.

2 Korintus 3:6

Siao e méma' icami makawoo imamuali maselewir sé makua in esa perjanjian weru a sé tou. Em perjanjian itu ra'ica an ukum sé aipatico indior, taan asi Roh i Amang Kasuruan owo. Ampa'paan en ukum aipatic itu sa ra'ica kiiten, makawali am papaté, taan e Roh i Amang Kasuruan mawéé ing katouan.

2 Korintus 4:1

Ampa'paano ing kaupusan i Amang Kasuruan, émaan ami en tawoien anio'. Ampa'paan in ituo cami ra'ica katalaan in arapan.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

2 Korintus 4:7

En Abar Kaaruien sé pakua ami itu ayandé tanu ing kasiyaan sosor em bééna. Wo icami sé mengakua in Abar Kaaruien itu ayandé tanu ing kuré' taweté'. Icami makaanu ing kasiyaan anio' an untep ing kuré'. En itu imamuali en tumuru' sapaoka eng kaketeran si lumepe-lepet itu asi Amang Kasuruan owo ra'ica ai cami.

2 Korintus 5:18

Pakasa in itu tatawoi i Amang Kasuruan. Émaan-Na icita meeluran wo Sia ampa'paano i Kristus. Wo si Amang Kasuruan iméé in tawoien ai cita e makawali waya sé tou meeluran wo Sia.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

2 Korintus 6:4

Aituru'o ami sapaoka am baya-waya kami ata i Amang Kasuruan. Ampa'paan eng kawenduan, eng kasusaan wo ing kawenduan pinendam amio ang karapi in talesen,

Efesus 3:7

Si Amang Kasuruan itumambéro mai ing kamang a yaku en sumelewir Sia e mengakua in Abar Kaaruien itu. Wo tinerimaku en tawoien itu ampa'paan ing kawasa-Na si matawoi an owakku.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:25

Yaku imamualio tou si mengaselewir sé jamaat itu ampa'paan aku tinokéan i Amang Kasuruan in tawoien eng kumua im pakasa in Taar-Na ai camu.

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.