1 Korintus 3:3 - En Taar Weru a nunuwu' é Tontemboan

³ ampa'paan akar intarépé' kamu makiité' im pakawerot ing kayo'baan. Icuaku in taniitu, ampa'paan an uner iow awéané' sé kokanat wo meindo-indoan roma'. En itu mamuali tuus sapaoka kamu makiité' im pakawerot ing kayo'baan wo menonou asalo makiit ing kasalé'an in tou.

1 Korintus 3:3 ပူးပေါင်းရင်းမြစ်များ

Roma 13:13

Mayoo kita menonou in loor, tanu sé tou menonou ang kasendotan. Tioo mengéma-ngéma' ing kasalé-salé'an ing kuman wo mengele-ngelep sé ra'io masoma wo malangu-langu, tioo mengéma-ngéma' andumoro' in sina wo makiit ing kasalé'an sé ra'ica loor, tioo meindo-indoan roma' wo mangana-nganat.

1 Korintus 1:10

Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

1 Korintus 1:11

Poo-poowku, yaku kumua tanu siitu ampa'paan awéan sé tou am pamalé i Kloe cumua mai a yaku sapaoka an uner iow awéan sé meindo-indoan roma'.

1 Korintus 11:18

Kataré-taré em pinalingaku asé tou sapaoka an tutuw iow mengali'us i maapo' a si Amang Kasuruan, awéan kaperéndéran an uner iow akar kamu metané-tanéo. Wo sé pinalingaku itu werotenku awéan em butulna.

1 Korintus 3:4

Aicuaku tanu siitu, ampa'paan an uner iow awéan sé makua, “Yaku makiit si Paulus,” wo sé walina ka'i makua, “Yaku makiit si Apolos.” En itu itumuru'o sapaoka kamu tou sé makiité' im pakawerot ing kayo'baan?

2 Korintus 12:20

Em ipaindé-indé'ku sapaoka an tutuw aku maai ai camu kéréanku kamu ra'ica tanu im pinaarapku, wo kaséréan iow ka'i aku ra'ica tanu si paarapen iow. Ipaindé-indé'ku oréoka awéan sé mengindo-indoan roma', mengkanatan, mengkae'bowan, mengawerotke' in owakna in esa, mengaroros, memaa-maar a sé tou andumoro' sé raica wutul, mengatirayo wo mengalicoko.

Galatia 5:15

Taan kamu ra'ica toro tanuoka sé binatang mengkang-karétan wo menlo'-lo'motan. Mareti-retio wosama' kamu ra'ica mempatéan.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Yakobus 3:16

Ampa'paan sa awéan tou manganat wo menonou ang katoronaanke' in owakna in esa, am bitu tantu awéan eng kalicokoan wo ka'i pakasa sé andumoro' sé léwo'.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.