1 Korintus 3:22 - En Taar Weru a nunuwu' é Tontemboan

²² Yaku si Paulus, si Apolos wo si Petrus aiwéé i Amang Kasuruan ai camu. Aiwéé-Na ka'i ai camu eng kayo'baan, eng katouan wo em papaté, si endo anio' wo ka'i si endo maai sa, pakasa en itu torona miow.

1 Korintus 3:22 ပူးပေါင်းရင်းမြစ်များ

Yohanes 1:42

Kekawus in itu si Simon iwali i Andreas a si Yesus. Wo téintengen i Yesus si Simon wo icua-Na ai sia, “Ico si Simon toyaang i Yohanes. Ico ngaranan-Ku oka ‘Kefas’. (Kefas puté wo i ‘Petrus’ eng kaangéanna, watu enté').”

1 Korintus 1:12

Em peangé-angénku tana'i: Awéan tou an uner iow sé makua, “Yaku makiit si Paulus”, awéan ka'i sé makua, “Yaku makiit si Apolos”, sé walina ka'i makua, “Yaku anio' makiit si Petrus” wo sé walina ka'i makua, “Yaku makiit si Kristus.”

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

Filipi 1:21

Ampa'paan sa kiit yaku, ang katouan anio' menonouke' torona i Kristus. Wo sa aku maté, siituo eng kauntungan ampa'paan aku menonou oka ang karapi i Kristus.