1 Korintus 3:16 - En Taar Weru a nunuwu' é Tontemboan

¹⁶ Ra'ipé' réén kailekan iow sapaoka kamu itu tanu Walé i Amang Kasuruan wo e Roh i Amang Kasuruan makaento' ai camu?

1 Korintus 3:16 ပူးပေါင်းရင်းမြစ်များ

Yohanes 14:17

Si Matawang ituo si Roh Le'nas si mengawali icamu a si sususuien wutul andumoro' si Amang Kasuruan. Sé tou ang kayo'baan ra'ica tumerima Sia, ampa'paan séra ra'ica isuméré Sia wo ra'ica makatuus Sia. Taan kamu makatuus Sia ampa'paan Sia mewali-wali wo icamu intarépé', wo Sia mento' oka an untep in até miow i esa wo si esa.

Roma 6:16

Tantu kailekan iow, sa kamu imééo in owak a si esa tou e méma' ing kasalé'anna, kamu mamualio ata i tou itu. Taniituo ka'i sa kamu kumiit ing kasalé'an ing kamesé-meséaan, kamu mamualio ata ing kamesé-meséaan, eng kasiwakanna kamu tumerima im papaté. Sa kamu le'tek a si Amang Kasuruan, kamu mamuali ata-Na wo nianggap-Na wutul an dior-Na.

Roma 6:3

Tantu kailekan iow sapaoka an tutuw kita nibaptis, kita pineesao wo si Kristus Yesus. Eng kaangéan in itu, kita pineesao ang karapi im papaté-Na.

Roma 8:11

Sa e Roh i Amang Kasuruan si tumou sumawel si Yesus an uner é tou maté maento' an untep in owak iow, eng kaangéanna en owak iow si ro'na maté itu, touen oka ka'i sumawel i Roh i Amang Kasuruan si tumouo sumawel si Yesus Kristus an uner é tou maté.

Roma 8:9

Taan, kamu ra'io menonou mengakiit ing kasalé'an in owak, taan mengakiit ing kasalé'an i Roh i Amang Kasuruan, ampa'paan e Roh i Amang Kasuruan uli-ulit mento' an owak iow. Sa e Roh i Kristus ra'ica menonou an owak i esa tou, sia ra'ica anu i Kristus.

1 Korintus 3:17

Sa awéan tou luméwo' im Balé i Amang Kasuruan, sia léwoon-Na oka. Ampa'paan em Balé i Amang Kasuruan le'nas wo icamuo em Balé i Amang Kasuruan.

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

1 Korintus 5:6

Mandé ka'i awéan tou maéma' ing kamesé-meséaan an jamaat iow taan kamu marayopé' in owak. En itu ra'ica patus. Tantu kailekano miow si andéan anio': E ragi sangatekic ro'na méma' pakasa in adonan roti ruméis. Eng kaangéanna tana'i: mandé ka'i esake' tou an uner iow méma' ing kaléwo'an, sia itu ro'na tumawér pakasa in tou maéman walina akar kumiit méma' ing kaléwo'an.

1 Korintus 6:16

Si musti kailekan iow sapaoka si tou tumekelo ang karapi i wéwéné sundal, sia itu mamualio esa owak wo si wéwéné itu. Ampa'paan ang Kitap Le'nas aipatic in tana'i, “Sé rua tou itu mamualio esa.”

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

1 Korintus 9:13

Tantu kailekano miow, sa sé tou maselewir am Balé Le'nas, séra makéré im paperlun ang katouan éra susur in endo am Balé Le'nas itu. Wo sé tou maselewir am pawetaan i raragés, séra ka'i makéré im bagéan in sama'na i binatang si airagés itu.

1 Korintus 9:24

Tantu kailekano miow sapaoka am papekowaan pakasa in tou sé cumiit tuméron, wayake' in esa e makéré laasa. Taniitu ka'i kamu. Tumérono tanu siitu akar kéréan iow en laasa.

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

2 Timotius 1:14

Ico tinokéan in tawoien anio' puté wo si Casuruan tumoké in esa kasiyaan sosor ulit em bééna. Anaé, téiranmu sumama-sama' en itu. Wo e Roh Le'nas an atéta tumawang oka en tuméir ing kasiyaan itu.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Yohanes 4:12

Ra'ica wana tou mandé esake' en sumangkumo isumeré si Amang Kasuruan. Taan sa kita meupu-upusan, si Amang Kasuruan meesa wo icita wo en upus-Na lekep ang katouanta.