1 Korintus 3:1 - En Taar Weru a nunuwu' é Tontemboan

¹ Poo-poowku, an tutuwku mewali-wali wo icamu, yaku maroma' ra'ica meputé an tutuwku maroma' a sé tou eng katouanna kinawasao i Roh i Amang Kasuruan. En ulitna aku maroma' ai camu meputé wo aku maroma' a sé tou menonou makiité' ing kasalé'an ing kayo'baan, ampa'paan em paémanen iow a si Kristus meputépé' wo si toyaang teké' susupé' em paelepen.

1 Korintus 3:1 ပူးပေါင်းရင်းမြစ်များ

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Roma 7:14

Kailekanta sapaoka en ukum Torat itu asi Roh i Amang Kasuruan owo, taan aku anio' tou makiité' ing kasalé'an in owakku in esa. Yaku mamualio ata ing kamesé-meséaan.

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Korintus 14:37

Sa awéan tou makapendam makaanu ing kamang tatambér mamuali nabi kuma'pa tatambér walina i Roh, musti kakailekanna sapaoka sé aipaticku anio' uli-ulit perénta i Apo' Yesus.

1 Korintus 2:6

Mandé ka'i in taniitu, sa kami makua a sé tou sé uli-ulit maémano, kami makua andumoro' ing kapinteran. Eng kapinteran itu ra'ica asi kayo'baan owo, ra'ica ka'i asé tou owo sé makatimboi ing kakawasaan ang kayo'baan anio', si kakawasaan maka'pu oka.

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

Ibrani 5:13

Ampa'paan si tou susupé' em paelepen sia kaputé i toyaang teké'pé', anaé ra'ipé' makailek si wisa si wutul wo si wisa si suméa'.

1 Yohanes 2:12

Aipaticku ai camu, éi toya-toyaang, ampa'paan eng kamesé-meséaan iow niampungano mai ang karapi ingaran i Kristus.